Tatalachipat nema anan kʼUcrania masiya pi tiku kapulalinkgo tiku kaj wankgo pi kstalananin Cristo kgalhmakgtayakgo guerra. Kaʼakxilhtit la makgtayakgonit uma akgtiy kachikinin tiku latalatlawama:

•   «Kkamaxkiyaw kakni chu kpaxtikatsiniyaw putum soldados tiku tatayakgo chu makgtayamakgo xkachikinkan Ucrania xlakata nitu natlawanikan […]. Ankgalhin naktlawayaw oraciones mimpalakatakan chu nakkamakgtayayan» (metropolitano Epifanio I de Kiev, The Jerusalem Post, 16 xla marzo kata 2022).

•   «Uma domingo, tiku pulalin Iglesia ortodoxa xalak Rusia tlawalh akgtum misa xpalakatakan soldados rusos niku kamakgpuwantinika pi xtatayakgolh xkachikinkan chuna la rusos katsinikgo. Moscú chuntiya kgalhi xsoldados anta kʼUcrania» (Reuters, 3 xla abril kata 2022).

 ¿Xliʼanatkan kstalaninanin Cristo kʼguerra? ¿Tuku kinkawaniyan Biblia?

 Biblia wan pi tiku xaxlikana kstalaninanin Cristo ni makgtanukgo k’guerra.

•    «Kamakipara miespada niku xtanuma, xlakata putum tiku maklakaskinkgo xʼespadajkan nakalimakgnikan espada» (Mateo 26:52).

   Komo chatum lataman kgalhmakgtaya guerra o talachipanan, ¿xlikana kgalhakgaxmatma tuku wa Jesús?

•   «Kkamaxkiman xasasti limapakgsin: pi kalapaxkitit minchatunukan; chuna la kkapaxkinitan, nachuna wixin kalapaxkitit minchatunukan. Wa uma tuku nalitalakgapasatit pi wixin kintamakgalhtawakgen: komo lapaxkiyatit» (Juan 13:34, 35).

   Komo chatum lataman kgalhmakgtaya o makgtayanan kʼguerra, ¿xlimasiyalh tapaxkit nema Jesús lichuwinalh pi xʼamaka kalilakgapaskan xaxlikana kstalaninanin?

 Komo tlakg katsiputuna, kalikgalhtawakga artículo «El cristianismo y la guerra: ¿son compatibles?».

 ¿Tlan nawanaw pi xaxlikana kstalaninanin Cristo ni para tsinu makgtanu kʼguerra la uku? Chuna xla. Biblia lichuwinan pi kinkilhtamakujkan nema lilakgapaskan «kxaʼawatiya kilhtamaku», xʼama anan latamanin xla putum kachikinin tiku nialh «katikatsiniparakgolh tlawakgo guerra», chuna la masiyalh Jesús (Isaías 2:2, 4, nota).

•   Xlakata tlakg nakatsiya, kalikgalhtawakga artículos xla Makatsinina «¿Tuku lakpuwan Dios xlakata guerras?».

 Nialh makgas Jehová, a «Dios tiku kgalhi […] takaksni», nalimaklakaskin xTamapakgsin xlakata nakalakgmaxtu latamanin «kta’akglhuwit chu tuku nitlan lama» (Filipenses 4:9; Salmo 72:14).

•   Xlakata nakatsiya la natlawa, kaʼakxilhti video ¿Tuku xTamapakgsin Dios?