¡SKGALALH KATAWILA!
Cientificos malakapalikgo xlisputni kakilhtamaku | ¿Tuku kinkawaniyan Biblia?
24 xla enero kata 2023, cientificos wilikgolh hora a lakatsu xʼitat katsisni akxni nasputa kakilhtamaku.
«Xlakata lama guerra kʼUcrania, bombas nucleares chu la talakgpalitilhama lhkakna chu lonkgni tlawalh pi anta hora nema masiya akxni nasputa kakilhtamaku tlakg talakatsuwilh xʼitat tsisni» (Servicio internacional de noticias de la agencia AFP).
«Cientificos wankgo pi uma martes anta hora nema masiya ksputat kakilhtamaku, maliwakakgolh akgtum minuto aitat. Latamanin tlakg talakatsuwinikgolh xlisputni kakilhtamaku» (ABC News).
«Akgtum grupo xla cientificos wankgo pi la uku latamanin tlakg katuwa wi xlatamatkan» (The Guardian).
¿Tlakg talakatsuwima xlisputni katiyatni chu latamanin? ¿Kilipekuanitkan tuku nakinkalakgminan kilhtamaku nema aku mima? ¿Tuku kinkawaniyan Biblia?
Tuku nala kilhtamaku nema aku mima
Chuna la wan Biblia, «katiyatni nikxni katisputli» chu latamanin «putum kilhtamaku nalatamakgo anta» (Eclesiastés 1:4; Salmo 37:29). Wa xlakata latamanin ni wa tiku namalakgsputukgo katiyatni o nasputa putum tuku anan kkatiyatni nema tlawa pi tlan nalatamakan.
Pero, Biblia wan pi namin xlisputni. Anta wan pi «kakilhtamaku nasputa» (1 Juan 2:17).
Xlakata nakatsiya tuku wamputun kBiblia xlakata xlisputni kakilhtamaku, kalikgalhtawakga artículo «¿Se acerca el fin del mundo? ¿Qué es el apocalipsis?».
Xlakata nakatsiya tuku wan Biblia tuku kilhtamaku namin xlisputni, kalikgalhtawakga artículo «¿Cuándo será el fin del mundo?».
Kalilakpuwanti tuku xatlan
Biblia kinkamakgtayayan ni nalilipuwanaw maski anan lhuwa tuku nitlan kkakilhtamaku. ¿La nakinkamakgtayayan?
Biblia kinkamaxkiyan laktlan tastakyaw (2 Timoteo 3:16, 17). Xlakata nakatsiya la tlan namakgtayayan Biblia maski natitaxtuya tuku tuwa, kalikgalhtawakga artículo «Qué puedo hacer para no preocuparme tanto».
Biblia malaknu akgtum takgalhkgalhin (Romanos 15:4). Anta wan tuku liwana nala la uku chu kilhtamaku nema aku mima, uma tlan nalipawanaw chu nakinkamakgtayayan natayaniyaw tuku nala kkakilhtamaku.
Xlakata tlakg nakatsiniya tuku wan Biblia, tlan namakgamakglhtinana la uku akgtum takgalhtawakga xalak Biblia nema ni taxokgo.
a «Akgtum reloj nema masiya akxni namin xlisputni kilhchanima pi uma makatsininan pi atsinu tsankga xlakata namalakgsputuyaw katiyatni xlakata tecnologías nema akinin tlawanitaw. Uma kinkamalakapastakayan pi wi tuku kilitlawatkan komo chuntiya latamaputunaw kkatiyatni» (Bulletin of the Atomic Scientists [Boletín de Científicos Atómicos]).
You May Also Like
TAKGALHSKININ XLAKATA BIBLIA
¿Tuku Armagedón?
Tachuwin Armagedón, kajwatiya makgtum min kBiblia, pero wamputun tatalachipat nema makglhuwa talichuwinan kBiblia.
ESSENTIAL BIBLE TEACHINGS
¿Tuku xlakata Dios masta talakaskin kaʼanalh tapatin?
Lhuwa latamanin xʼakstukan kakgalhskinkan tuku xlakata lasitsinikan chu anan lhuwa tapatin kkakilhtamaku. Anta kBiblia tekgsaw takgalhtin nema kinkamaxkiyan takgalhkgalhin.
ESSENTIAL BIBLE TEACHINGS
¿Tuku xlakata tlawalh Dios Katiyatni?
Katiyatni akgtum planeta nema lu stlan. Liwana lakkaxwilikanit la xlimakgat natawilani Chichini, la xlilakapala natakgalhspittawila chu la xtalakpatatilhalh ¿Tuku xlakata Dios lu liskujli xlakata xmalakatsukilh uma lu stlan planeta?
XLAKATA AKININ
Kaskinti nalakgapaxialhnankana
Kakatsi xtakgalhtin akgtum takgalhskinin xalak Biblia o tlakg kakalakgapasti xtatayananin Jehová.
