«Lakapala talakatsuwimaw kpulakgsputni xlakata talakgpalima kakilhtamaku. Laklanka kachikinin nalakgtsankgakgo kchuchut. Lu nalhkaknan chuna la nikxni lhkaknanit. Naʼanan laklanka unisen nema makgapekuanankgo. Nasputa chuchut klakalhuwa kachikinin. Nasputkgo lhuwa millón tuwan chu animales. Ni kaj kmalakatsalima. Wa uma tuku ciencia wan pi nakitaxtu xlakata la limaklakaskinaw putum tuku anan» (Xtaʼakgchuwin Antonio Guterres, secretario general de las Naciones Unidas, xlakata la kakgalhtilh tiku makgtapakgsikgo kʼGrupo intergubernamental de Expertos sobre el Cambio Climático 4 xla abril kata 2022).

 «Científicos makatsininamakgo pi nialh makgas, xlakata la talakgpalima kakilhtamaku, nasputkgo lhuwa laklanka kakiwin xalak Estados Unidos xlakata lu chichinan. Tuku lu nitlan xkakitaxtunilh umakgolh 423 parques takgaxmata chuna la tuku lichuwinan Biblia: la lhkunanan chu la masputunan chuchut, la stalanka laklanka hielo, pupunu nema chakgelima tiyat chu la taliwakama lhkakna» («Flooding Chaos in Yellowstone, a Sign of Crises to Come» [Masputunan chuchut kYellowstone, limasiya tuku lu nitlan namin], The New York Times, 15 xla junio kata 2022).

 ¿Namin kilhtamaku akxni nialh katiʼanalh tuku masputuma Katiyatni? Komo chuna, ¿tiku nalakkaxtlawa uma? Kaʼakxilhti tuku masiya Biblia.

 Biblia wan pi Dios “nakamalakgsputu tiku malakgsputumakgolh katiyatni” (Apocalipsis 11:18). Uma versículo pulaktutu tuku kinkamasiyaniyan:

1.  1. Latamanin xʼamakgo tlawanikgo tuku lu nitlan Katiyatni.

2.  2. Nasputa tuku tlawanima tuku nitlan Katiyatni.

3.  3. Dios wa tiku nalakkaxtlawa umakgolh taʼakglhuwit, chu ni wa latamanin.

 Biblia wan pi «katiyatni nikxni katisputli» (Eclesiastés 1:4). Ankgalhin nalatamakan anta.

•   «Tiku xa’akgstitum wa nakamaxkikan katiyatni chu putum kilhtamaku nalatamakgo anta» (Salmos 37:29).

 Katiyatni niku lamaw nalakkaxtlawakan chu kalilakgatit nawan.

•   «Desierto chu xakaskakni tiyat lu napaxuwakgo, chu niku xakaxtum nema kaskawawa napaxuwa chu naxana la akgatum xanat» (Isaías 35:1).