¿Namin kilhtamaku akxni nasputa talamakgnit?
Akxni anan talamakgnit putum akinin akstu kinkakgalhskinkanan: «¿Lilakgaputsa Dios tuku lama? ¿Tuku xlakata chuna la? ¿Namin kilhtamaku akxni nasputa talamakgnit? a ¿La xatapaxuwan naklatama komo lama putum uma?». Biblia liwana kinkakgalhtiyan umakgolh takgalhskinin.
¿Tuku lakpuwan Dios xlakata talamakgnit?
Dios ni akxilhputun tatalachipat chu talamakgnit (Salmo 11:5; Proverbios 6:16, 17). Chu Jesús, xKgawasa Dios, kastakyawalh xtamakgalhtawakgen akxni xlakan xtalatlawanamputunkgo (Mateo 26:50-52). Makgapitsi latamanin tlawakgo tuku nitlan chu wankgo pi xtalakaskin Dios. Pero Dios ni lakgati umakgolh tayat, asta nipara kakgaxmatni xʼoracioneskan (Isaías 1:15).
Dios kalilakgaputsa putum tiku patinankgo, chu na anta makgtanumakgo tiku kaʼakgspulanit tuku nitlan akxni anan talamakgnit (Salmo 31:7; 1 Pedro 5:7). Nachuna, Biblia kinkawaniyan pi Dios namasputu tatalachipat (Isaías 60:18).
Tuku tlawa pi kaʼanalh talamakgnit
Biblia lichuwinan tuku tlawa pi kaʼanalh talamakgnit: «Chixku akgchipanit chixku xlakata natlawani tuku nitlan» (Eclésiastes 8:9). Chuna la titaxtunit kilhtamaku, latamanin tiku kgalhikgo limapakgsin, maklakaskinkgonit uma xlakata nakamakgapatinankgo amakgapitsin. Putum uma tlawanit pi makgapitsi latamanin natlawakgo tuku nitlan (Eclésiastes 7:7).
Talamakgnit nasputa
Dios malaknu pi namasputu tapekua chu tatalachipat chu nalimin takaksni unu kKatiyatni (Isaías 32:18; Miqueas 4:3, 4). Wa uma tuku natlawa:
Makgtuminika namasputu talamakgnit. Dios nakamasputu mapakgsinanin xalak katiyatni chu nawili akgtum Tamapakgsin kxlikalanka Katiyatni. Jesucristo, xMapakgsina uma tamapakgsin, natlawa tuku tlan chu namasputu tapatin chu tatalachipat (Salmo 72:2, 14). Akxni chuna nala, nialh katiʼanalh talamakgnit. Putum latamanin «napaxuwakgo xlakata naʼanan lhuwa takaksni» (Salmo 37:10, 11).
Nalakkaxtlawa putum tuku nitlan limin talamakgnit. Dios nalakkaxtlawa putum tuku nitlan kaʼakgspulanit latamanin akxni anan talamakgnit, lata tuku kaʼakgspulanit kxmaknikan o kxtalakapastaknikan (Isaías 65:17; Apocalipsis 21:3, 4). Chu ni kajwatiya uma, Dios malaknu pi nakamalakastakwani tiku nikgonita: nakamaxkipara latamat kʼakgtum kakilhtamaku niku naʼanan takaksni (Juan 5:28, 29).
Biblia kinkamasiyaniyan tuku xlakata tlan nakanajlayaw pi Dios nialh makgas chuna natlawa. Pero max miʼakstu nakgalhskinkana: «¿Tuku xlakata Dios nina masputu talamakgnit?». Komo katsiputuna xatakgalhtin, kaʼakxilhti video ¿Tuku xlakata Dios masta talakaskin kaʼanalh tapatin?
a Akxni lichuwinankan talamakgnit, kilhchanima pi maklakaskinkan tatalachipat o kawanikan latamanin pi nakamakgnikan xlakata nakamakgapekuankan chu chuna wi tuku nalakgpalikan xlakata política, takanajla o atanu. Pero max ni putum latamanin watiya tuku lakpuwankgo xlakata talamakgnit.
Max na nalakgatiya uma
MAKATSININA
¿Tuku natlawa xTamapakgsin Dios?
Jesús xkatsi pi kajwatiya xTamapakgsin Dios tlan nalakkaxtlawa taʼakglhuwit xalak kakilhtamaku. ¿Tuku tlawanita uma Tamapakgsin xlakata tlan nalipawanaw?
ESSENTIAL BIBLE TEACHINGS
¿Tuku xlakata Dios masta talakaskin kaʼanalh tapatin?
Lhuwa latamanin xʼakstukan kakgalhskinkan tuku xlakata lasitsinikan chu anan lhuwa tapatin kkakilhtamaku. Anta kBiblia tekgsaw takgalhtin nema kinkamaxkiyan takgalhkgalhin.
