Tsisa 24 xla febrero kata 2022, Rusia malakgachalh ksoldados xlakata naʼakgchipa Ucrania, maski lhuwa mapakgsinanin ni xlakaskinkgo pi xʼanalh guerra. ¿Tuku nitlan nakitaxtu kxlikalanka katiyatni xlakata uma guerra? António Guterres, secretario general nema skujma kNaciones Unidas, nina makgas lichuwinalh pi uma guerra natlawa pi latamanin lu napatinankgo, namasputunan chu kalipekua natawilakgo países xalak Europa chu kxlikalanka katiyatni.

•   Akxni Jesucristo milh kkatiyatni lichuwinalh uma: «Nalatalatlawa laklanka kachikinin chu nalatalatlawa tamapakgsin» (Mateo 24:7). Kalikgalhtawakga artículo «¿Cuál es la señal de “los últimos días” o de “los tiempos finales”?» xlakata nakatsiya pi guerras nema tatlawa la uku limasiyakgo pi kgantaxtuma tuku Jesús lichuwinalh chu tatsokgtawilanit kBiblia.

•   Libro xla Apocalipsis limaxtu pi guerra xtachuna la chatum chixku tiku kgewi tantum «xaspinini» kawayu chu maxkika limapakgsin xlakata «namapanu takaksni kkatiyatni» (Apocalipsis 6:4). Xlakata tlakg nakatsiya, kalikgalhtawakga artículo «¿Qué representan los jinetes del Apocalipsis?» chu kakatsi tuku xlakata guerras makgantaxtima tuku lichuwinan libro xla Apocalipsis.

•   Libro xla Daniel lichuwinan pi «mapakgsina xalak norte» chu «mapakgsina xalak sur» xʼamakgo latalatlawakgo (Daniel 11:25-45). Kaʼakxilhti video Kgantaxtuma tuku lichuwinan Biblia kDaniel 11 xlakata naʼakgatekgsa tuku xlakata Rusia chu xtatayananin litaxtukgo mapakgsina xalak norte. a

•   Apocalipsis na lichuwinan akgtum “guerra nema natlawakan klanka xkilhtamaku Dios, Tiku kgalhi putum litliwakga” (Apocalipsis 16:14, 16). Pero uma guerra ni xtachuna katiwa la guerras nema tlawakgo kachikinin, chuna la akxilhmaw uku. Kalikgalhtawakga artículo «¿Tuku Armagedón?» xlakata tlakg nakatsiya.

•   Biblia malaknu pi Dios namasputu «guerra kxlikalanka katiyatni» (Salmo 46:9). Kalikgalhtawakga artículo «La esperanza real de un mañana mejor» xlakata tlakg nakatsiya tuku malaknu Dios.

•   Jesús kamasiyanilh xtamakgalhtawakgen pi kskinkgolh pi xmilh xTamapakgsin Dios (Mateo 6:9, 10). Uma Tamapakgsin wa akgtum gobierno nema wi kʼakgapun chu nalakkaxtlawa Katiyatni chuna la Dios lakpuwanit. Chu tuku Dios lakaskin, wa pi kxlikalanka Katiyatni kaʼanalh takaksni. Kaʼakxilhti video ¿Tuku xTamapakgsin Dios? xlakata nakatsiya tuku natlawa uma Tamapakgsin mimpalakata.

 Anta kʼUcrania wilakgo liwaka 129.000 xtatayananin Jehová. Putum xtatayananin Jehová kxlikalanka katiyatni, stalanikgo xliʼakxilhtit Jesús chu ni makgtanukgo tuku xalak kakilhtamaku. Wa xlakata ni makgtanukgo kpolítica chu na ni ankgo kʼguerra (Juan 18:36). Kxlikalanka katiyatni, xtatayananin Jehová chuntiya lichuwinamakgolh «xatlan tamakatsinin xla Tamapakgsin»; makatsininamakgo la nalakkaxtlawakan taʼakglhuwit xala uma kakilhtamaku, chuna la guerra (Mateo 24:14). Kkawaniyan pi komo tlakg katsiputuna xlakata takgalhkgalhin xalak Biblia tlan nakilatachuwinanaw.