«Chuna la talakgpalima kilhtamaku tlawama pi latamanin nialh katsikgo tuku natlawakgo, lanka kachikinin chu putum tuku anan kkatiyatni. Lanka unisen —tlakg tliwakga min xlakata talakgpalima kilhtamaku— uma tlawama pi lhuwa latamanin nialh nakgalhikgo xchikkan chu niku natawilakgo. Putum tuku anan kpupunu chichima, chu lhuwa animales nimakgolh» (Inger Andersen, secretaria general adjunta de las Naciones Unidas y directora ejecutiva del Programa de las Naciones Unidas para el Medio Ambiente, 25 xla julio 2023).

 ¿Makxtum natawilakgo mapakgsinanin xlakata wi tuku natlawakgo xpalakata taʼakglhuwit nema tlawanima tuku nitlan katiyatni? ¿Tlan wi tuku natlawakgo nema namakgtayanan?

 Biblia lichuwinan akgtum tamapakgsin nema tlan nalakkaxwili tuku nitlan titaxtuma katiyatni, pupunu, akgapun, animales chu atanu. Wan pi «Dios xalak akgapun nawili akgtum tamapakgsin» nema namapakgsi putum katiyatni (Daniel 2:44). Kʼuma tamapakgsin, latamanin «ni katitlawakgolh tuku nitlan»: ni katitalatlawakgolh chu ni katitlawanikgolh tuku nitlan katiyatni (Isaías 11:9).