¡SKGALALH KATAWILA!
¿Namin kilhtamaku akxni putum latamanin akxtum tlan nalalikatsinikgo? | ¿Tuku kinkawaniyan Biblia?
Lhuwa latamanin lakpuwankgo pi uma akgtum tamanixnat nema tuwa nakgantaxtu.
«Putum kkatiyatni, laksakpaxkinankan xtachuna la akgtum veneno nema katlawani tuku nitlan kachikinin chu latamanin xala uku. Talaksakpaxkit tlawa pi latamanin chuntiya nitlan nalalikatsinikgo». (António Guterres, Secretario General UN).
¿Namin kilhtamaku akxni ni nakalaksakpaxkikan latamanin? ¿Tuku wan Biblia?
Tuku lakpuwan Dios xlakata talaksakpaxkit
Biblia masiya la kaʼakxilha Dios latamanin tiku tanu tanu xkilhtsukutkan.
«[Dios] tlawalh pi kaj chatum chixku xlikilhtsukukgolh putum kachikinin nema xlatamakgolh kxlikalanka katiyatni» (Hechos 17:26).
«Dios ni laksakpaxkinan, wata kputum kachikinin, tiku pekuani chu tlawa tuku xaʼakgstitum xla makgamakglhtinan» (Hechos 10:34, 35).
Biblia masiya pi putum latamanin makgtapakgsikgo kʼakgtum familia chu pi Dios kamakgamakglhtinan putum latamanin.
¿Tiku namalakgsputu talaksakpaxkit?
xTamapakgsin Dios namalakgsputu talaksakpaxkit, akgtum Tamapakgsin xalak akgapun. xTamapakgsin Dios nakamasiyani latamanin pi tlan nalalikatsinikgo. Latamanin nalakgmakgankgo talaksakpaxkit nema kgalhikgo nawan.
«Latamanin xalak katiyatni katsinikgo tuku xaʼakgstitum» (Isaías 26:9).
«Tuku nakitaxtu akxni natlawakan tuku xaʼakgstitum wa takaksni, chu tuku namakgalakan akxni natlawakan tuku xaʼakgstitum wa pi nitu nalilakgaputsakan chu nitu nalipekuankan putum kilhtamaku» (Isaías 32:17).
La uku, lhuwa latamanin katsinimakgo kBiblia la tlan nalalikatsinikgo chu nalamaxkikgo kakni.
Komo tlakg katsiputuna, kalikgalhtawakga artículo xla revista ¡Despertad! Nema wanikan «¿Tiene cura el prejuicio?»
Kalikgalhtawa artículo “¿Cómo hablar con sus hijos sobre el racismo?” xlakata nakatsiyatit la nakamakgtayayatit minkamanan.
Max na nalakgatiya uma
ESSENTIAL BIBLE TEACHINGS
¿Tuku xTamapakgsin Dios?
Jesús tlakg lichuwinalh xTamapakgsin Dios nixawa atanu. Akglhuwa ciento kata kstalaninanin skinkgonit kʼoración kamilh uma Tamapakgsin.
MAKATSININA
¿Natawila kilhtamaku akxni nialh katiʼanalh talaksakpaxkit?
Biblia kamakgtayamaja latamanin xla lakalhuwa kachikinin xlakata nialh nalaksakpaxkinankgo chuna la limasiya pulaktutu liʼakxilhtit. Pero, ¿tuku kilhtamaku nialh katiʼanalh talaksakpaxkit?
XLAKATA AKININ
Kaskinti nalakgapaxialhnankana
Kakatsi xtakgalhtin akgtum takgalhskinin xalak Biblia o tlakg kakalakgapasti xtatayananin Jehová.
