«Ni akchampara tumin kxlikalanka katiyatni» wa presidente xla Grupo Banco Mundial kxtamakatsin xla junio kata 2022. «La uku putum tapalaxlama chu latamanin ni kgalhikgo lhuwa tumin».

 Fondo Monetario Internacional wan: «Gasolina chu tuku wakan lakapala tapalaxlama, chu tlakg lu tuwa kakitaxtuni latamanin tiku lamakgo kkachikinin niku ni lu anan tumin».

 Biblia kinkamakgtayayan naʼakgatekgsaw tuku xlakata titaxtumaw tuku tuwa xlakata ni anan tumin. ¿Tuku tlan natlawayaw xlakata tlan natayaniyaw? ¿Chu anan takgalhkgalhin xlakata nasputa uma taʼakglhuwit?

•   Biblia limapakuwi kilhtamaku nema lamaw “xaʼawatiya kilhtamaku” (2 Timoteo 3:1).

•   Jesús wa pi xʼama tasiya «tuku makgapekuanan» nema xʼama litasiya uma kilhtamaku (Lucas 21:11). Akxni putum tapalaxla, latamanin pekuankgo. Latamanin lilakgaputsakgo tuku nakakitaxtuni chu na lilakgaputsakgo komo tlan nakamaxkikgo xfamilia tuku maklakaskinkgo.

•   Libro xla Apocalipsis lichuwinalh pi tuku wakan xʼama tapalaxla «kxaʼawatiya kilhtamaku». «Kkgaxmatli akgtum tachuwin nema xwan: “Akgtum litro xla trigo xtapalh nawan okgxtum denario chu akgtutu litro xla cebada xtapalh nawan okgxtum denario”» (Apocalipsis 6:6).

 Komo tlakg katsiputuna xlakata xaʼawatiya kilhtamaku chu tuku lichuwinan libro xla Apocalipsis, kaʼakxilhti video Lata kkata 1914 kakilhtamaku talakgpalilh chu kalikgalhtawakga artículo «¿Qué representan los jinetes del Apocalipsis?».

•   «Natlawakgo chiki chu anta natawilakgo; nachankgo uvas chu nawakgo xtawakat. Ni katitlawakgolh chiki chu atanu tiku natawilakgo; na ni katichananankgolh chu atanu tiku nawakgo» (Isaías 65:21, 22).

•   «Lhuwa namakgalanankan kkatiyatni, lu lhuwa namakgalanankan kkasipijni» (Salmo 72:16).

•   «“Xlakata la kamapatinimaka latamanin, xlakata la jalhpanimakgo tiku nitu kgalhikgo, naktaya chu wi tuku naktlawa”, wan Jehová» (Salmo 12:5). a

 Dios nialh makgas natlawa pi nialhti katipatinalh xlakata ni anan tumin, ni kaj kʼakgtum kachikin wata kxlikalanka katiyatni. Xlakata nakatsiya la natlawa, kalikgalhtawakga artículo «¿Es realista esperar un sistema económico justo?».

 Pero asta akxni Dios nalakkaxtlawa uma, Biblia tlan namakgtayayan la uku ni lu nalilakgaputsaya la putum tapalaxlama. ¿La namakgtayayan? Limin laktlan tastakyaw xlakata liwana namaklakaskinaw kintuminkan (Proverbios 23:4, 5; Eclesiastés 7:12). Xlakata tlakg nakatsiya, kalikgalhtawakga artículos «Cuide su economía» chu «Cómo vivir con menos».