Latamanin tlakg xʼakstu kamakgkatsikan: ¿tuku litatlawat xlakata tlan natayanikan?
«Atsinu ni itat latamanin tiku laklankata xalak Estados Unidos wankgo pi xʼakstukan kamakgkatsikan. Tiku lu chuna wankgo wa lakchixkuwin tiku lakkamanku» (Informe de la máxima autoridad en salud pública de Estados Unidos sobre la soledad y el aislamiento, 2023).
«OMS wa pi kalakgayawalh akgtum grupo xlakata nalakputsananikgo la nialh namakgkatsikgo latamanin pi xʼakstukan wilakgolh, tlakg tlan nalatalalinkgo chu nalakputsananikgo la tlan chuna natlawakgo k’atanu paises maski lu lakglimaxkgenin umakgolh latamanin» (Organización Mundial de la Salud, 15 xla noviembre kata 2023).
Biblia masta laktlan tastakyaw xlakata nakatsiniyaw la tlan nakatalalinaw amakgapitsin.
Laktlan tastakyaw nema makgtayanan xalak Biblia
Nialh katlawa tuku natlawa pi nakatamakgatliniya amakgapitsin. Makgapitsi wa la lu maklakaskinkan redes sociales. Tuku tlakg tlan, wa pi tlakg kalimaxtu kilhtamaku xlakata akxtum nakatatawilaya amakgapitsin chu nakaputsaya xalaktlan amigos.
Texto nema namakgtayayan: «Xaxlikana amigo putum kilhtamaku paxkinan, chu litaxtu la chatum tala akxni anan talakgaputsit» (Proverbios 17:17).
Kalakputsanani la tlan nakamakgtayaya amakgapitsin. Akxni tlawayaw tuku tlan xpalakata amakgapitsin tlawa pi tlakg tlan nakatalalinaw, tlan namakgkatsiyaw chu tlakg napaxuwayaw.
Texto nema namakgtayayan: «Tlakg anan tapaxuwan akxni mastakan nixawa akxni makglhtinankan» (Hechos 20:35).
Komo katsiputuna atanu tastakyaw xalak Biblia nema tlan namakgtayayan xlakata nakgalhiya laktlan amigos, katanu kkisitiojkan xla internet.