¡SKGALALH KATAWILA!
¿Tiku nakalakgmaxtu latamanin tiku wilakgo niku tlawamaka guerra? | ¿Tuku kinkawaniyan Biblia?
Naciones Unidas makatsininankgo uma:
Lata 7 asta 23 xla octubre kata 2023, tatalachipat nema anan k’Gaza chu Israel liwaka 6,400 tiku nikgonit chu 15,200 tiku tasipanikgonit, lhuwa umakgolh latamanin ni soldados xwankgonit. Nachuna, lhuwa ciento latamanin tiku kalinkanit atanu kachikin.
Asta 24 xla septiembre kata 2023, guerra nema anan kRusia chu k’Ucrania, nikgonit 9,701 latamanin, chu k’Ucrania, 17,748 latamanin tiku tasipanikgonit.
¿Kamaxki takgalhkgalhin Biblia tiku patinamakgo kaj xlakata guerra?
Wi pulaktum tuku kinkamaxkiyan takgalhkgalhin
Biblia lichuwinan pi Dios namasputu putum guerras nema anan kxlikalanka Katiyatni (Salmo 46:9). Xlakata chuna natlawa, pulana nakamasputu putum mapakgsinanin xalak kakilhtamaku chu nalimaklakaskin akgtum tamapakgsin nema wilacha k’akgapun: xTamapakgsin (Daniel 2:24). Xtamapakgsin Dios natlawa pi latamanin nialhtu katililakgaputsakgolh.
Kaʼakxilhti tuku natlawa Jesucristo, xMapakgsina xTamapakgsin Dios:
«Xlakata xla nalakgmaxtu tiku pixlanka skima tamakgtay, nachuna tiku taktuju chu putum tiku ni kgalhi tiku namakgtaya. Nalakgalhaman tiku ni tlankajwa chu tiku limaxkgen, chu nalakgmaxtu xlatamatkan tiku lakglimaxkgenin. Nakalakgmaxtu ktaʼakglhuwit chu tuku nitlan lama» (Salmo 72:12-14).
Dios nalimaklakaskin xTamapakgsin xlakata namasputu tapatin chu talipuwan nema limin guerra chu tatalachipat.
«Dios nakaxakani putum xlakgpixtajatkan, chu nialhti katinilh, nialhti katilipuwa, nialhti katitasalh, nialhti katikatsanajwalh. Putum tuku xʼanan xapulana lakgsputkgonit nawan» (Apocalipsis 21:4).
Nialh makgas xTamapakgsin Dios nalimin lhuwa talakgpalit kKatiyatni. ¿La likatsiyaw? Xlakata Biblia xlichuwinanita «guerras» nema akxilhaw la uku (Mateo 24:6). Putum uma tuku lama, limasiya pi lamaw kxaʼawatiya xkilhtamakujkan mapakgsinanin xalak katiyatni (2 Timoteo 3:1).