Toronja akgtum lanka fruta nema staka kʼakgatum kiwi. Min kilhtamaku maski 10 metro xlitalhman tamokgosa nitu lani. ¿Tuku makgtaya?

 Kalilakpuwanti uma: Tiku lakputsanankgo akxilhkgonit pi xpulakni xkgoxka toronja lu tulanka. Chuna la talakgnutilhanit xtachuna la esponja. Xlakgstipan akgsatitunu uma fruta tulanka wan chu litatsama un chu chuchut. Akxni tamokgosa chu tamayacha kkatiyatni chuchut nema pulaktanuma makgtaya. Xkgoxkga toronja ta’aktsuwi chu palha wan, uma tlawa pi ni namakgpankga.

 Científicos lhkaxtukgonit la talakgnunit xmakni toronja xlakata natlawakgo espuma xalikan, nema tayani maski palha o tliwakga tuku nalikgaxikan. Lakpuwankgo pi na tlan nalhkaxtukgo xmakni toronja xlakata natlawakgo cascos xla motocicleta chu tuku nalitamakgtayakgo putlaw. Na lakpuwankgo pi tlan natlawakgo tuku nalitamakgtayakgo estaciones espaciales xlakata meteoritos nitu nakatlawanikgo

 ¿Tuku lakpuwana? ¿Lakpuwana pi kaj xalan lakatsukulh chuna la talakgnunit xmakni toronja, o wi tiku malakatsukilh?