¿Limasiya tuku xlichuwinanit Biblia pi xʼama la pi Jesús wa Mesías xwanit?
Biblia kinkamaxkiyan xatakgalhtin
Chuna. Akxni Jesús xlama kKatiyatni, makgantaxtilh lhuwa tuku xlichuwinankanit xpalakata «Mesías Pulalina», tiku xʼama litaxtu «xLakgmaxtuna kakilhtamaku» (Daniel 9:25; 1 Juan 4:14). Asta akxni xninita, Jesús chuntiya makgantaxtilh tuku xlichuwinankanit xpalakata Mesías (Salmo 110:1; Hechos 2:34-36).
¿Tuku kilhchanima Mesías?
Tachuwin xahebreo Maschíaj (Mesías) chu tachuwin xagriego Kjristós (Cristo) kilhchanima «Talaksakni». Wa xlakata, Jesucristo kilhchanima «Jesús xaTalaksakni» o «Jesús Mesías».
Makgasata, akxni wi tiku xlaksakkan xlakata wi tuku lu xlakaskinka nalakgayawakan, xʼakmawakakan aceite (Levítico 8:12; 1 Samuel 16:13). Dios laksakli Jesús xlakata Mesías xlitaxtulh, tiku kgalhi akgtum lu xlakaskinka talakgatay (Hechos 2:36). Pero Dios ni aceite lilaksakli Jesús, wata lilaksakli espíritu santo (Mateo 3:16).
¿Chalhuwa latamanin xʼamakgo makgantaxtikgo tuku xlichuwinankanit xpalakata Mesías?
Ni. Xtachuna la akgtum huella litalakgapasa kaj chatum lataman, tuku xlichuwinankanit kBiblia pi xʼama la, kaj chatum Mesías o Cristo xkilhchanima. Pero Biblia na kinkawaniyan uma: «Naʼanankgo ni xaxlikana cristos chu ni xaxlikana palakachuwinanin chu natlawakgo tipalhuwa laklanka milagros xlakata nakaʼakgskgawiputunkgo asta tiku xatalaksakni» (Mateo 24:24).
¿Aku namin Mesías?
Ni. Biblia lichuwinalh pi Mesías xʼama min kxfamilia David, tiku mapakgsina xlitaxtu kʼIsrael (Salmo 89:3, 4). Pero niku xtsokgwilikanit tiku xalak xfamilia mapakgsina David xwanit tsankgakgolh. Lakpuwankan pi umakgolh tatsokgni kamasputuka akxni romanos akgchipakgolh Jerusalén kkata 70. a Lata uma kilhtamaku, niti la limasiya pi minitancha kxfamilia mapakgsina David. Pero umakgolh tatsokgni xwilakgojku kxkilhtamaku Jesús, chu nipara xtalamakgasitsin tlan xwankgo pi Jesús ni xalak xfamilia mapakgsina David xwanit (Mateo 22:41-46).
¿La xlilhuwa tuku xlichuwinankanit xlakata Mesías min kBiblia?
Nila liwana putlekgekan la xlilhuwa putum tuku xlichuwinankanit xlakata Mesías. Tanu tanu la putlekgekan tuku xlichuwinankanit, asta niku liwana tasiya pi wa Mesías lichuwinamaka. Akgtum liʼakxilhtit, Isaías 53:2-7 lichuwinan tipalhuwa tuku xʼama la xpalakata Mesías. Makgapitsi latamanin wankgo pi uma kaj akgtum tuku xwankanit pi xʼama la, pero amakgapitsin wankgo pi tipalhuwa.
Makgapitsi tuku xlichuwinankanit xpalakata Mesías nema kgantaxtulh kxlatamat Jesús
Tuku lalh |
Tuku wanka pi xʼama la |
La kgantaxtulh |
---|---|---|
Xalak xfamilia Abrahán |
Génesis 22:17, 18 |
|
Xalak xfamilia Isaac, xkgawasa Abrahán |
Génesis 17:19 |
|
Xalak xtribu Judá |
Génesis 49:10 |
|
Xalak xfamilia mapakgsina David |
Isaías 9:7 |
|
Xkgawasa chatum tsumat |
Isaías 7:14 |
|
Lakachilh kBelén |
Miqueas 5:2 |
|
Limapakuwika Emmanuel b |
Isaías 7:14 |
|
Ni xlakaskinka liʼakxilhka |
Isaías 53:2 |
|
Kamakgnika laktsu kamanan akxni xla xlakachinita |
Jeremías 31:15 |
|
Taxtucha kʼEgipto |
Oseas 11:1 |
|
Limapakuwika Nazareno c |
Isaías 11:1 |
|
Chatum makatsinina lakkaxtlawanilh xtiji |
Malaquías 3:1 |
|
Mesías litaxtulh kkata 29 d |
Daniel 9:25 |
|
Dios wa pi xKgawasa |
Salmo 2:7 |
|
Paxkilh xchik Dios |
Salmo 69:9 |
|
Lichuwinalh xatlan tamakatsinin |
Isaías 61:1 |
|
Tuku tlawalh kʼGalilea litaxtulh akgtum lanka xkgakganat |
Isaías 9:1, 2 |
|
Tlawalh milagros chuna la Moisés |
Deuteronomio 18:15 |
|
Palakachuwinalh Dios chuna la Moisés |
Deuteronomio 18:18, 19 |
|
Kamapaksalh tatatlanin |
Isaías 53:4 |
|
Ni xlakaskin pi lu xlakaskinka xliʼakxilhka |
Isaías 42:2 |
|
Kalakgalhamalh tiku xpatinamakgo |
Isaías 42:3 |
|
Masiyalh tuku xa’akgstitum |
Isaías 42:1, 4 |
|
XaTlan Stakyawana |
Isaías 9:6, 7 |
|
Masiyalh xtukuwani Jehová |
Salmo 22:22 |
|
Maklakaskilh liʼakxilhtit akxni xmasiya |
Salmo 78:2 |
|
Pulalina litaxtulh |
Daniel 9:25 |
|
Lhuwa tiku ni kanajlanikgolh |
Isaías 53:1 |
|
Chiwix nema makgchakgxninan |
Isaías 8:14, 15 |
|
Lakgmakganka |
Salmo 118:22, 23 |
|
Ni akxilhputunkgolh maski ni xʼanan tuku xlakata chuna xlikatsinikgolh |
Salmo 69:4 |
|
Xkgewi xaskgata burro akxni tanulh kJerusalén chu malankika |
Zacarías 9:9 |
|
Kamanan malankikgolh |
Salmo 8:2 |
|
Milh palakachuwinan Jehová |
Salmo 118:26 |
|
Chatum xʼamigo stamakgalh |
Salmo 41:9 |
|
Listamakganka 30 tumin xaplata e |
Zacarías 11:12, 13 |
|
Xʼamigos akgxtakgmakgankgolh |
Zacarías 13:7 |
|
Chalhuwa tiku liyawakgolh tuku nixaxlikana |
Salmo 35:11 |
|
Ni kgalhtinalh akxni xliyawamaka tuku nitlan |
Isaías 53:7 |
|
Lakachujmanika |
Isaías 50:6 |
|
Akgsnokgka |
Miqueas 5:1 |
|
Kgeskgokgka |
Isaías 50:6 |
|
Ni tamakgapuspitli akxni kgaxika |
Isaías 50:6 |
|
Mapakgsinanin limawakakgolh tuku nitlan |
Salmo 2:2 |
|
Lakgxtokgonika xmakan chu xtantun kkgantum kiwi |
Salmo 22:16 |
|
Limakankgolh suerte klhakgat |
Salmo 22:18 |
|
Liʼakxilhka la chatum makglakgalhina |
Isaías 53:12 |
|
Lixkajni wanika chu lakgmakganka |
Salmo 22:7, 8 |
|
Xatapaxuwan patinalh xpalakata makglakgalhinanin |
Isaías 53:5, 6 |
|
Xtasiya pi Dios xʼakgxtakgmakganit |
Salmo 22:1 |
|
Limakgotniputunka vino nema xtalakwilhakanit xaxun tuwan |
Salmo 69:21 |
|
Kkgalhputilh akxni nina xniy |
Salmo 22:15 |
|
Kxmakan Dios makgxtakglhli xʼespíritu |
Salmo 31:5 |
|
Makamastalh xlatamat |
Isaías 53:12 |
|
Makamastalh talakgmaxtut xlakata namapanukan talakgalhin |
Isaías 53:12 |
|
Nipara kgantum xlukut laktukxnika |
Salmo 34:20 |
|
Tapalhtukuka |
Zacarías 12:10 |
|
Maknuka la tiku kgalhi lhuwa tumin |
Isaías 53:9 |
|
Malakastakwanika |
Salmo 16:10 |
|
Putsaka xlakgxokgo tiku stamakgalh |
Salmo 109:8 |
|
Wi kxpakgastakat Dios |
Salmo 110:1 |
a Cyclopedia xla McClintock chu Strong wan: «Tlan nawanaw pi niku xtsokgwilikanit tiku xtapakgsikgo ktribus chu kfamilias xalak Judá masputuka akxni akgchipaka Jerusalén».
b Tukuwani xahebreo Emmanuel, nema wamputun «Kinkatawilan Dios», liwana masiya pi Jesús wa Mesías. Tuku Jesús tlawalh akxni kilatamachi kKatiyatni, limasiyalh pi Dios katawi tiku kakninanikgo (Lucas 2:27-32; 7:12-16).
c Tachuwin Nazareno max anta takilhtinit ktachuwin xahebreo nétser, nema wamputun «kgalhapu».
d Komo katsiputuna la xlichuwinanit Biblia pi Mesías xʼama chin kkata 29, kaʼakxilhti artículo «Palakachuwina Daniel wa tuku kilhtamaku xʼama chin Mesías».
e Uma tuku xwankanit pi xʼama la tatsokgtawilanit kxlibro Zacarías, pero tiku tsokgli Evangelio xla Mateo wan pi wa «tilichuwinalh palakachuwina Jeremías» (Mateo 27:9). Xmin kilhtamaku pulana xwilikan xlibro Jeremías ktasokgni nema xlilakgapaskan «kxtatsokgnikan Palakachuwinanin» (Lucas 24:44). Max Mateo maklakaskilh tukuwani “Jeremías” akxni xlichuwinama putum uma tatsokgni, nema na anta xmakgtanuma xlibro Zacarías.