Xtatayananin Jehová mastakgo akgtum takgalhtawakga xalak Biblia xlakata naʼakgatekgskgo tuku masiya Biblia. Takgalhtawakga xalak Biblia tlan namakgtayayan xlakata:

•   Xatapaxuwan natawila mifamilia

•   Xʼamigo Dios nawana

•   Nakatsiya tuku Biblia malaknu xlakata kilhtamaku nema aku mima

Kʼuma página nakgalhtiyaw umakgolh takgalhskinin

•  ¿La kmakgalhtawakgenanaw?

•  ¿Nakxokgo xlakata nakimakgalhtawakgekan?

•  ¿La xlilhuwa makgapala akgatunu takgalhtawakga?

•  ¿Niku nakmatsuki?

•  ¿Tlan nakakxilha la makgalhtawakgenanatit?

•  Komo nakmakgamakglhtinan akgtum takgalhtawakga xalak Biblia, ¿xtatayana Jehová kiliwanat?

•  ¿Tlan nakmaklakaskin Biblia nema kkgalhi?

•  ¿Tlan nakkuani achatum xlakata na natawila ktakgalhtawakga?

•  Komo xakkatakgalhtawakganita xtatayananin Jehová makgasa, ¿tlan nakkgalhtawakgapara?

•  ¿Tlan nakkgalhtawakga maski niti nakimakgalhtawakge?

 Chatum xtatayana Jehová namakgtayayan nalakgapasa Biblia. Xlakata xtamakgtay likgalhtawakga ¡Kalipaxuwa latamat putum kilhtamaku! tsinu tsinu nakatsiniya tuku masiya Biblia chu la tlan namakgtayayan uma. Komo tlakg katsiputuna kaʼakxilhti uma video.

 Ni. Xtatayananin Jehová ktlawayaw tuku Jesús kawanilh kstalaninanin pi xtlawakgolh: «Kaj xachunata makglhtinantit; kaj xachunata kamastatit» (Mateo 10:8). Nani katixokgo tuku tamaklakaskin ktakgalhtawakga, uma kilhchanima Biblia chu likgalhtawakga ¡Kalipaxuwa latamat putum kilhtamaku!

 Takgalhtawakga litakgatsi 60 lecciones. Wix tlan nalaksaka la nakgalhtawakgaya. Lhuwa latamanin likgalhtawakgakgo akgtum lección chu amakgapitsi liwaka.

1.  1. Kamalakgatsama formulario. Tuku natsokgwiliya mimpalakata kajwatiya naklimaklakaskinaw xlakata chatum xtatayana Jehová natachuwinanan.

2.  2. Tiku nalimakglhtawakgeyan Biblia natachuwinanan. Nawaniyan tuku tlan nakatsiniya kʼuma takgalhtawakga chu nakgalhti takgalhskinin nema wix natlawaya.

3.  3. Wix chu tiku namakgalhtawakgeyan nalakkaxwiliyatit la nakgalhtawakgayatit. Tlan nalakganan kminchik, namakglhtawakgeyan kteléfono, videollamada, correo o correo electrónico.

 Tlan. Xlakata uma kamalakgatsama formulario. Akxni natachuwinankana, kawani tiku tachuwinaman pi kaj akxilhputuna la tlawakan takgalhtawakga chu naʼakxilha komo nalakgatiya o ni. Xla nalimaklakaskin folleto Kalipaxuwa latamat, nema kaj akgtutu lecciones limin.

 Ni. Akinin xtatayananin Jehová lu klakgatiyaw kkamasiyaniyaw xlakata Biblia amakgapitsin, chu ni fuerza kkawaniyaw namakgtapakgsikgo kkincongregacionkan. Wata liwana kkamasiyaniyaw tuku wan Biblia, xlakata kkatsiyaw pi xlakan xlilaksakatkan tuku nakanajlakgo (1 Pedro 3:15).

 Tlan, tlan namaklakaskina Biblia nema wix nalakaskina. Maski xtatayananin Jehová kmaklakaskinaw Traducción del Nuevo Mundo xlakata ni tuwa akgatekgskan, pero kkatsiyaw pi makgapitsi latamanin maklakaskinkgo Biblia nema kgalhikgo.

 Chuna. Tlan nawaniya putum mifamilia o mi amigos.

 Chuna. Chu asta max tlakg nalakgatiya nixawa xapulana. Takgalhtawakga masastikanit xlakata tuku maklakaskinkgo latamanin la uku. Uku tlakg kgalhchuwinankan chu akxilhkan videos chu atanu nixawa xapulana.

 Chuna. Maski lhuwa tlakg lakgatikgo nakamakgalhtawakge chatum xtatayana Jehová, amakgapitsi laksakkgo xʼakstukan nakgalhtawakgakgo. Ksección «Tuku namakgtayayan xlakata nalikgalhtawakgaya Biblia», anan tuku namakgtayayan xlakata nakgalhtawakgaya nema lu namakgtayayan. Wa uma makgapitsi:

•   Videos xalak Biblia. Unu natekgsa videos niku nakatsiniya xapulana tamasiy xalak Biblia.

•   Takgalhskinin xlakata Biblia. Wilakgolh artículos nema kgalhtikgo lhuwa takgalhskinin xalak Biblia.

•   Textos bíblicos explicados. Kakatsi tuku kilhchanima makgapitsi tachuwin chu textos nema lu lakgapaskan.