Kanajlanikgo. Jesús wa: «Kit wa ntiji, chu wa xlikanaj, chu wa latamat; tini katilakgalh xaTlat lapi ni kit nkimpalakata» (Juan 14:6). Liwana kkanajlayaw pi Jesús milh kKatiyatni xlakata xmakamastalh xlatamat nema ni xkgalhi talakgalhin chu xkinkalakgmaxtun (Mateo 20:28). Xlakata nilh chu lakastakwanalh tlawalh pi tiku xkanajlanikgolh xmakglhtinankgolh latamat nema ni kgalhi xlisputni (Juan 3:16). Na kkanajlayaw pi Jesús mapakgsinamaja kxTamapakgsin Dios chu nialh makgas nalimin takaksni kKatiyatni (Apocalipsis 11:15). Pero Jesús na wa: «Sampi wa xaTlat, tlakg xatlanka, ni xawa nkit» (Juan 14:28). Akinin kkanajlayaw umakgolh tachuwin chu ni kkanajlayaw pi Jesús watiya Dios tiku kgalhi putum litliwakga. Wa xlakata akinin ni kkakninaniyaw.