Ni. Akinin kkatsiyaw pi ni lilakgtaxtuyaw xlakata lichuwinanaw Dios akgatunu chiki (Efesios 2:8). ¿Tuku xlakata?

 Kalilakpuwaw pi chatum chixku tiku tlan likatsi wan pi wi tuku namaskiwi tiku naʼan kilhtamaku chu niku xla nawan. Komo wi tuku tlawanit nema tlawa pi nalipawanaw, ¿ni xlikana pi anta xtawilaw? Chu ni kaj kiʼakstukan xʼaw, na xkawaniw kifamiliajkan chu kiʼamigoskan xlakata na xʼankgolh. Pero niti nawan pi lakgchan uma tamaskiwin kaj xlakata natlawa tuku wa uma chixku. Xlakata tamaskiwin ni tlajakan.

 Nachuna, xtatayananin Jehová klipawanaw pi Dios nakamaxki latamat nema ni kgalhi xlisputni putum tiku kgalhakgaxmatnikgo (Romanos 6:23). Chu xlakata klakaskinaw pi amakgapitsi latamanin na namakglhtinankgo latamat, kkalitachuwinanaw Dios. Pero kkatsiyaw pi uma taskujut ni nakinkalakgmaxtuyan (Romanos 1:17; 3:28). Ni anan tuku tlan natlawayaw xlakata tlan natlajayaw uma lanka xtamaskiwin Dios. Biblia wan: «Nkimakgaputaxtin, ni wa xpalakata xatlan kintatlaukan wa ntu nkin ntlawanitaw, wampi wa xpalakata xtalakgalhaman» (Tito 3:5).