Chuna. Xtatayananin Jehová kkamakgtayayaw tiku wilakgolh niku titaxtu tuku masputunan. Kkamakgtayayaw xtatayananin Jehová chu atanu latamanin, xlakata kmakgantaxtiyaw tuku wan Biblia kʼGálatas 6:10: «Ntu ntlan nkatlawanikgo[ya]w xlipaks amakgapitsin, na tlakg xaliwaka wa nti makxtum [...]wanitaw ktakanajla». Nachuna mastayaw tamakgtay xlakata takanajla chu tlan kkamamakgkatsiniyaw tiku lu maklakaskinkgo ama kilhtamaku (2 Corintios 1:3, 4).

 Akxni wi tuku nitlan la, lakgkgolotsin katachuwinankgo putum tiku tapakgsikgo kcongregación xlakata nakatsikgo la wilakgolh chu tuku maklakaskinkgo. Akxni katsikgoya uma, chuwinankgo ksucursal xlakata nakatsikan la wilakgolh chu la makgtayanankgonit.

 Komo congregaciones nila xokgokgo tuku maklakaskinkgo tiku kaʼakgspulalh tuku nitlan, Lakgkgolotsin tiku Pulalinkgo xTatayananin Jehová lakkaxwilikgo la natamakgtayanan. Sucursal laksaka comités xlakata napulalinkgo taskujut chu xtatayananin xalak atanu países limaxtukgo kilhtamaku chu tumin xlakata namakgtayanankgo (Proverbios 17:17). Kxapulana siglo nachuna tatlawalh akxni analh tatsinksni (1 Corintios 16:1-4).

 Pulaktu tumin nema tamalakgacha ksucursales xla xtatayananin Jehová limaklakaskinkan xlakata nakalimakgtayakan tiku kaʼakgspula tuku nitlan (Hechos 11:27-30; 2 Corintios 8:13-15). Chu tiku makgtayanankgo ni kaxokgonikan, putum uma tumin limaklakaskinkan xlakata nalimakgtayanankan. Nachuna putum tumin nema xatapaxuwan tamasta liwana maklakaskinkan (2 Corintios 8:20).