Tuku titaxtukgonit xtatayananin Jehová xala uku, tsukulh lata ksputat siglo XIX. Ama kata ni lhuwa xLikgalhtawakgananin Biblia xalak Pittsburgh (Pensilvania, Estados Unidos) lakkaxwilikgolh liwana nalikgalhtawakgakgo Biblia. Tamalakxtumikgolh tuku xmasiyakgo takanajla chu tuku xlikana masiya Biblia. Alistalh tsukukgolh lichuwinankgo tuku xkatsinikgonit. Tlawakgolh libros, tsokgkgolh artículos nema taxtukgolh kperiódicos chu tlawakgolh revista nema la uku lilakgapasaw Makatsinina. Lichuwinan xTamapakgsin Jehová.

 Chatum tiku xkgalhtawakga xwanikan Charles Taze Russell. Maski wa xapulana tiku xtsokga revista Makatsinina chu pulalilh taskujut xlakata xtamasiyalh xlakata Biblia ama kilhtamaku uma ni wamputun pi wa makilhtsukilh xasasti takanajla. Tuku xtlawaputun Russell chu amakgapitsi xLikgalhtawakgananin Biblia (tukuwani nema xkalilakgapaskan) wa namalakgatumikgo xtamasiy Jesucristo chu xtlawakgolh chuna la xtalakkaxwilinit kcongregación xla xapulana siglo. Chu xlakata tiku malakatsukilh uma takanajla wa Jesús, kanajlayaw pi wa tiku malakatsukilh kintakanajlakan.