Ni kkanajlayaw. Maski xtatayananin Jehová kkanajlayaw pi Dios tlawalh putum tuku anan, ni kkanajlayaw pi kaj akgchaxan kilhtamaku litlawalh. ¿Tuku xlakata? Xlakata wi talakapastakni xla uma takanajla nema Biblia ni masiya. Kaʼakxilhwi akgtiy.

1.   La xlilhuwa makgapalalh uma akgchaxan kilhtamaku. Makgapitsi wankgo pi akgatunu kilhtamaku xla uma akgchaxan kilhtamaku makgapalalh puxamatati horas. Pero kBiblia min kilhtamaku akxni talichuwinan akgtum kilhtamaku kilhchani akglhuwa kata (Génesis 2:4; Salmo 90:4).

2.   Kata nema kgalhi Katiyatni. Atanu tuku kanajlakgo wa pi Katiyatni nina lhuwa miles kata titaxtunit lata tlawaka. Pero Biblia wan pi Katiyatni chu putum tuku anan kʼakgapun xwilakgolha akxni nina xtsuku akgchaxan kilhtamaku akxni malakatsukinanka (Génesis 1:1). Wa xlakata xtatayananin Jehová ni lakgmakganaw tuku xaxlikana wankgo científicos nema tawan pi katiyatni max kgalhi akglhuwa millones kata lata malakatsukika.

 Akinin xtatayananin Jehová kanajlayaw pi Dios tlawalh putum tuku anan, ni klakatayayaw tuku wankgo científicos. Kkanajlayaw pi tuku masiya Biblia na xtachuna tuku wankgo científicos.