Ni. Xtatayananin Jehová kstalaninanin Cristo, pero ni protestantes akinin.

 Lhuwa latamanin lakpuwankgo pi protestantes wa tiku lakgmakgankgonit tuku masiya Iglesia Católica Romana. Chu maski xlikana pi ni kmakgamakglhtinanaw lhuwa xtamasiy Iglesia Católica, akinin ni protestantes. Kaʼakxilhwi pulaktiy tuku xlakata:

1.   Lhuwa xtamasiykan protestantes ni xtachuna tuku wan Biblia. Akgtum liʼakxilhtit, Biblia ni masiya pi Dios akgtum Trinidad, wata masiya pi «xman chatum Dios» (1 Timoteo 2:5; Juan 14:28). Biblia na ni masiya pi Dios kamapatini kpupatin putum kilhtamaku tiku lixkajni likatsikgo, wata masiya pi kamasputu (Salmo 37:9; 2 Tesalonicenses 1:9).

2.   Akinin ni kaj kkaxwiliputunaw Iglesia Católica o atanu takanajla. Wata kaj klichuwinanaw xalakwan xalaksasti xlakata xTamapakgsin Dios chu kkawaniyaw latamanin pi kakanajlakgolh kʼumakgolh lakwan tamakatsin (Mateo 24:14; 28:19, 20). Ni kkaxtlawaputunaw akgtum takanajla, wata kkamasiyaniputunaw xaxlikana xlakata Dios chu xTachuwin putum tiku nakgaxmatputunkgo (Colosenses 1:​9, 10; 2 Timoteo 2:​24, 25).