Ni sionistas akinin. Xtatayananin Jehová kstalaninanin Cristo chu kkanajlayaw tuku wan Biblia. Maski makgapitsi takanajla wankgo pi tuku wan Biblia, kilhchanima akxni judíos makxtum natawilaparakgo kPalestina, xtatayananin Jehová nichuna klakpuwanaw. Ni kkanajlayaw pi Biblia lichuwinan pi chuna nala. Tuku wan Biblia ni tataya akgtum tamapakgsin o makgapitsi latamanin. Makatsinina revista oficial xla xtatayananin Jehová liwana wanit pi «sionismo xla política ni takilhti kBiblia».

 Encyclopædia Britannica wan pi sionismo litaxtu la «judíos políticos tiku tatayakgo xkachikinkan chu lakaskinkgo pi katawilalh akgtum país judío anta kpalestina». Lakatsukunit ktakanajla chu kpolítica.

 Xtatayananin Jehová kaj akgtum takanajla chu ni tataya talakapastakni xla política, niku na makgtanu sionismo. Kinkalilakgapaskanan xlakata ni makgtanuyaw kpolítica chu wa xlakata lhuwa kinkaputsastalanikanan kmakgapitsi países. Liwana katsiyaw pi nipara akgtum tamapakgsin o tuku lakkaxwilikgonit latamanin tlan natlawa pi naʼanan takaksni kKatiyatni. Kaj wa xTamapakgsin Dios tiku tlan nalimin takaksni.

 Akgtum tastakyaw nema makgantaxtikgo putum xtatayananin Jehová maski xanikuta niku lamaw, wa pi nakgalhakgaxmataw xlimapakgsin mapakgsinanin. Nipara chatum xtatayana Jehová lakataya mapakgsinanin chu na ni makgtlawakgo guerra.