Taskujut nema ktlawayaw litaxokgo tumin nema xatapaxuwan mastakgo xtatayananin Jehová. a Komo wi tiku xatapaxuwan mastaputun tumin, tlan namuju kcajas nema wilakgolh niku ktamakxtumiyaw o tlan namasta chuna la wan kisitiojkan jw.org. Tiku xatapaxuwan mastaputun xtumin tlan nalaksaka komo namasta xlakata taskujut nema tlawakan kxlikalanka katiyatni o xlakata tuku tamaklakaskin kcongregación o pulaktiy namasta.

 Chatunu chatunu xtatayanananin Jehová nalaksaka la xlilhuwa mastaputun tumin. Ni talakaskin namasta diezmo o la xlilhuwa tlaja (2 Corintios 9:7). Kkintamakxtumitkan ni pukikan tumin chu ni taxokgo xlakata natanuya. Tiku makgtayanankgo anta ni matajinankgo xlakata namununankgo, xlakata namastakgo taʼakgchuwin akxni wi tiku niy o akxni wi tiku tamakgaxtokga o atanu. Ni kstayaw liwat o atanu xlakata nakmastokgaw tumin. Na ni ktlawayaw rifa, feria, taway xlakata nakmastokgaw tumin chu ni kkawaniyaw latamanin kakinkamaxkikgon tumin. Chu nikxni kmakatsininanaw tiku xatapaxuwan mastalh xtumin (Mateo 6:2-4). Nachuna, nipara pulaktum páginas nema kinkatapakgsiniyan limin tamakatsin xlakata wi tuku nastakan.

 Akgatunu papaʼ, akgatunu congregación xla xtatayananin Jehová lichuwinan la tamaklakaskima tumin. Ni xmakgasni lichuwinankan la maklakaskimaka tumin xlakata nakatsikan pi tumin tamaklakaskima chuna la xlilat (2 Corintios 8:20, 21).

•   Cajas niku mujukan tumin: Tlan anta namujuya mintumin o cheque kcajas nema wilakgolh kPukgalhtawakga, kSalones de Asambleas o alakatanu niku ktamakxtumiyaw.

•   Donaciones kʼInternet: Klakalhuwa países tlan namaklakaskina página “Donar a los testigos de Jehová” xlakata tlan namastaya mintumin chu namaklakaskina tarjeta de crédito o débito, namatitaxtiya mintumin kʼatanu banco o namaklakaskina atanu tuku anan. b Makgapitsi xtatayananin Jehová makgataxtikgo xtuminkan akgatunu papaʼ, wa xlakata lakkaxwilikgo pi namastakgo xtuminkan akgatunu papaʼ chu maklakaskinkgo uma página (1 Corintios 16:2).

•   Donaciones nema lakkaxwilikanit: Makgapitsi tuku namastaya talakaskin nalakkaxwiliya chu nakatsiya tuku wan limapakgsin. Uma namakgtayayan ni lu lhuwa naxokgoya impuestos o atanu. Lhuwa kamakgtayanit nakatsikgo tuku tlan kitaxtu akxni mastakgo umakgolh donaciones akxni lamakgolhku o akxni nanikgo. Tlan natachuwinana sucursal xla xtatayananin Jehová nema tlakg lakatsu wi niku wix lapat xlakata tlakg nakatsiya la natlawaya umakgolh donaciones chu namaklakaskina:

  •   cuentas bancarias

  •   seguros chu planes de jubilación

  •   bienes raíces

  •   acciones chu bonos

  •   testamentos chu fideicomisos

 Komo tlakg katsiputuna la namastaya mintumin niku wix lapat, katanu kpágina “Donar a los testigos de Jehová”.