¿Kgalhikgo akgtum lista xla películas, takilhtlin chu libros nema nitlan?
Ni. Kinkachikinkan ni akxilha películas, takilhtlin chu libros xlakata nakinkawaniyan tuku nitlan. ¿Tuku xlakata?
Biblia wan pi kimputumkan kilikatsinitkan nalakgapasaw tuku tlan chu tuku nitlan (Hebreos 5:14).
Biblia limin tastakyaw nema kinkamakgtayayan nalaksakaw tuku tlan akxni nalakgastananaw. a Chuna la kputum kilatamatkan, putum kilhtamaku namakgantaxtiyaw xtastakyaw Efesios 5:10, niku wan: «Katakgatankstit [o liwana kakatsitit] wantu lakgatiy nkimPuchinakan».
Dios kamaxkinit lanka limapakgsin tiku pulalinkgo familia, wa xlakata xlakan kgalhikgo limapakgsin pi nakawanikgo xalak xfamiliajkan tuku ni natlawakgo (1 Corintios 11:3; Efesios 6:1-4). Pero kcongregación, niti kgalhi limapakgsin xlakata nawan pi akgtum película nitlan, takilhtlin o tiku taxtukgo ktelevisión chu na ni natlawaputun pi nachuna nalakpuwankgo amakgapitsin la lakpuwan (Gálatas 6:5).
a Akgtum liʼakxilhtit, Biblia nitlan akxilha tuku xla taskuwan, talakgxtumit nema ni xlitatlawat chu latlawanikan tuku nitlan; wa xlakata putum niku masiyakan uma nitlan (Deuteronomio 18:10-13; Efesios 5:3; Colosenses 3:8).
Max na nalakgatiya uma
XLAKASKINKA CAMPAÑA
Kakatsi la klimakgalhtawakgenanaw Biblia
Kalimakgalhtawakgeka Biblia. Ni taxokgo.