Lata lhuwantilhalh xtatayananin Jehová uma lu xlakaskinka
Kata 1987, Lyman Swingle, tiku na makgtapakgsilh Lakgkgolotsin tiku Pulalinankgo xTatayananin Jehová, mastalh xtaʼakgchuwin niku xtamakxtumikgonit 63,580 latamanin anta kPlaza de Toros Monumental de Valencia (Venezuela). Lhuwa tiku anta xwilakgolh akgtum katsisni kʼautobús lichankgolh. Xla kawanilh pi nialh kaj aktsu xtatayananin Jehová xwankgonit, chu nialh makgas «na xmakgtanukgolh 100,000 tiku lichuwinankgo Dios».
Ama kata, Venezuela xkgalhi liwaka 38,000 tiku xlichuwinankgo Dios, uma wamputun pi xtatayananin Jehová tiku linkgo tamakatsin xalak Biblia amakgapitsin. Lata ama kilhtamaku, kaj akgtsayan países xwilakgolh liwaka 100,000 tiku xlichuwinankgo Dios.
Lata xlilhuwa xtatayananin Jehová talhuwitilhama xlikalanka katiyatni. Lata xaPulana Guerra xLikalanka Katiyatni, kaj xʼanan max akgtati mil tiku xlichuwinankgo xTamapakgsin Dios. Pero uma talakgpalilh. Kata 1943 Yearbook of Jehovah’s Witnesses (Anuario xla xtatayananin Jehová kata 1943) lichuwinalh: «Tamakatsin xla kata 1942, maski ni takgatsi xlakata ni anan tuku nalalimakatsininankan, uma litasiya xtasikulunalin Jehová [...]; la uku anan liwaka 106,000 tiku lichuwinankgo Dios xlikalanka katiyatni». Asta maski xlama xliʼAkgtiy Guerra xLikalanka Katiyatni lhuwa xtatayananin Jehová litaxtukgolh. Kata 1950, kaj kʼEstados Unidos xwilakgolh liwaka 100,000 tiku xlichuwinankgo Dios.
Alistalh, kata 1974, kNigeria makakchalh 100,000 tiku xlichuwinankgo Dios.
Akgtum kata titaxtulh, kBrasil chu kʼalemania, lakatsalalh 100,000 la xlilhuwa tiku lichuwinankgo Dios. Kʼakgtati continentes tlakg talhuwikgolh.
Uma limasiyalh pi xtamakatsin Biblia katsimakgolh latamanin xala kaniwa kachikin. La xlilhuwa xtatayananin Jehová chuntiya xtalhuwitilhama xlikalanka Katiyatni, chuna xkgantaxtuma tuku xlichuwinankanit kʼIsaías 60:22, nema wan: «Tiku ni lhuwa, akgtum mil nawan, chu tiku xaʼaktsina akgtum tliwakga kachikin nawan. Akit, Jehová, nakmalakapali kxkilhtamaku».
Chuna la makatsininanka kkata 2014, 24 países talakatsalanit 100,000 tiku xtatayananin Jehová. Nema na anta makgtanuma Venezuela, tiku makakchalh kkata 2007. Xlikalanka katiyatni wilakgolh 115,416 congregaciones xla xtatayananin Jehová chu 8,201,545 tiku lichuwinankgo xTamapakgsin Dios.
Continente |
País |
Tiku lichuwinankgo Dios |
---|---|---|
África |
Angola |
108,607 |
Ghana |
125,443 |
|
Nigeria |
362,462 |
|
República Democrática del Congo |
216,024 |
|
Zambia |
178,481 |
|
Asia |
Corea del Sur |
100,641 |
Filipinas |
196,249 |
|
Japón |
215,703 |
|
Europa |
Alemania |
166,262 |
España |
112,493 |
|
Francia |
127,961 |
|
Gran Bretaña |
138,515 |
|
Italia |
251,650 |
|
Polonia |
123,177 |
|
Rusia |
171,268 |
|
Ucrania |
150,906 |
|
Norteamérica |
Canadá |
116,312 |
Estados Unidos |
1,243,387 |
|
México |
829,523 |
|
Sudamérica |
Argentina |
150,171 |
Brasil |
794,766 |
|
Colombia |
166,049 |
|
Perú |
123,251 |
|
Venezuela |
140,226 |