Masiyakan jw.org niku xkawilikanit libros
Feria Internacional del Libro xalak Toronto, kawilika libros nema taʼimprimirlinit chu xaʼelectrónicos, tlawaka kCentro Metropolitano de Convenciones xalak Canadá kilhtamaku 13 asta 16 xla noviembre kata 2014 chu tiku kilakgolh liwaka 20,000 latamanin.
Tiku na xwilikgonit libros wa xtatayananin Jehová, chuna la xwilikgonit lu stlan xtasiya chu na tlan tuku xtlawakan anta. Kmesa xwilakgolh tabletas xlakata namasiyakgo la tanukan ksitio xla Internet, jw.org.
Chatum tiku xpulalima tuku xtlawamaka wa: «Misitiojkan xla Internet lu xasasti. Tiku tlawakgo libros nema minkgonit na tlan chuna xtlawakgolh la masiyayatit milikgalhtawakgakan». Lhuwa tiku xankgonit wankgolh pi jw.org akgtum sitio nema lu stlan chu ni tuwa maklakaskinkan, niku tekgskan xtakgalhtin takgalhskinin. Na lakgatikgolh pi uma sitio masta tamakgtay xlakata latamanin tlan nalakkaxtlawakgo xtaʼakglhuwitkan chu tuku lilakgaputsakgo.
Xtatayananin Jehová tiku xlakgayakgolh akxilhkgolh pi lhuwa ni xlakgapaskgo uma sitio jw.org. Putum makglhtinankgolh tarjeta xla contacto o tratado ¿Niku natekgsa xtakgalhtin xalaktuwa takgalhskinin xla latamat? Nachuna, lhuwa wankgolh pi natanuparakgo ksitio Internet, chu atanu skinkgolh pi xkalakgapaxialhnanka kxchikkan.
Xlakata viernes tlawaka xkilhtamaku laktsu kamanan kferia, xtatayananin Jehová wilikgolh videos xla pizarra animada xla jw.org. Lhuwa alumnos chu xmakgalhtawakgenanin tachokgokgolh chu akxilhkgolh.
Chatum chixku xalak Chicago nema kataskuja empresa tiku imprimirlikgo biblias, kawanilh xtatayananin Jehová pi lu xastlan tuku xlitlawakgonit Traducción del Nuevo Mundo de las Santas Escrituras nema xwilikgonit. Chu skilh tarjeta xla contacto xlakata xkatachuwinalh tiku xtlawakgonit.
Kisitiojkan xla Internet anan k700 tachuwin. Tiku kilakgolh kferia akxilhkgolh k16 tachuwin: amárico, bengalí, chino, coreano, español, francés, griego, gujarati, hindi, inglés, portugués, sueco, tamil, tigriña, urdu chu vietnamita.
Chatum xtatayana Jehová tiku xlakgaya mesa kferia akxilhli pi tlakg tlan xkitaxtu kamasiyakan latamanin sitio xla Internet nixawa kaj nakawanikan. Xla wa: «Uma kilhtamaku lu tlan kitaxtulh kmasiyaw kisitiojkan xla Internet».
Max na nalakgatiya uma
SITIO JW.ORG
La putsakan tuku anan kʼamakgapitsi tachuwin
Kaʼakxilhti la lakgpalikan tachuwin xla sitio chu katekgskan artículos chu likgalhtawakga kʼamakgapitsi tachuwin.
TALICHUWINAN DIOS
Francia wililh lakatum niku masiyaka xlakata Biblia
Lhuwa mil akxilhkgolh tuku xwilikanit nema xwanikan: «Biblia: makgasa, la uku chu kilhtamaku nema aku mima» anta kFeria Internacional 2014 xalak Ruán.
LIBROS CHU FOLLETOS
¿Niku natekgsa xtakgalhtin xalaktuwa takgalhskinin xla latamat?
¿Xwanti pi xtakgalhtin wa tuku wankgo científicos, tiku pulalinkgo takanajla o kBiblia?
TALICHUWINAN DIOS
Sitio jw.org lu makgtayanan namakatsininanaw xlakata Biblia
Xtatayananin Jehová, tiku lakgkgawasanku chu tiku linkgoya kata, lu lakgatikgo sitio xla Internet. Maklakaskinkgo xlakata lhuwa latamanin namasiyanikgo xalakwan xalaksasti xla Tamapakgsin.