Ay akgtujun kata lata kamaxkikan uma certificado xlakata imprenta xla xtatayananin Jehová xalak México ni maxkajwaninan.

Chu 26 xla septiembre xla kata 2012, xtatayananin Jehová kamaxkika akgtum certificado nema ni anan xtachuna nema kamaxkilh mapakgsina xalak México xlakata «lu liskujkgo xlakata nakuentajtlawakgo katiyatni».

Lakkaxwilikanit uma programa niku kamaxkikan certificados xlakata Industria nema ni maxkajwaninan xlakata fábricas ni namaxkajwanikgo katiyatni. Maski tuku tlawakgo xtatayananin Jehová ni litlajakgo tumin na makgtanukgo k’uma programa akgatunu kata. Chatum tiku palakachuwinan imprenta xalak México wa: «Xlakata tlan xakmakglhtinaw certificado xla Industria nema ni maxkajwaninan, kilimasiyatkan pi tuku tlawayaw chu jin nema taxtu unu makgantaxtikgo tuku lakkaxwilinit país xlakata natakuentajtlawa katiyatni chu pulaktujun chuna kilikuentajtlawatkan: un, chuchut, palhma, tóxicos nema akgataxtu, niti tuku nalani, luz chu namasiyakan xlakata nakuentajtlawakan katiyatni. Fábricas ni fuerza kawanikan namakgtanukgo k’uma programa. Akinin xatapaxuwan ktlawayaw».

Xtatayananin Jehová xlikalanka katiyatni lu liskujkgo xlakata nakuentajtlawakgo uma lu stlan katiyatni.