XKILHPAN kachikin Sydney xalak Australia, chatum tiku skuja kpumapakgsin kiʼakxilhli niku xtlawamaka Pukgalhtawakga, wa pi «niku kskujmaka nitu xʼanan tuku xkaliakgspulalh tuku nitlan chu lata makgasata ni niku chuna xakakxilhnit».

Tiku xakkxilhwili tsokgnalh: «Lu liwana la lakkaxwilikanit [...], lu kaswan chu nitu akglakgawani wi, lu tlan niku laktanukan chu niku laktaxtukan; cables xla luz xma katutsu chu liwana xkakaxmamikanit [chu] extintores liwana xwi xlakata xmaklakaskinka [...]. Tiku kskujmakgo xlinkgo xamakalhman klhakgatkan, xpantalonkan, xcascojkan chu xlenteskan [...]. Xputumkan lu tlan likatsikgo».

Victor Otter tiku lakgaya napulalin taskujut wan: «Xtatayananin Jehová lu xlakaskinka akxilhkgo nitu nalanikgo. Akxni kkuentajtlawayaw nitu nakinkaʼakgspulayan kkimputaskujutkan klimasiyayaw pi kakxilhaw latamat chuna la akxilha Dios chu xatapaxuwan putum kskujaw. Akxni sputa kilhtamaku, lu kpaxuwa akxni ktaspita kkinchik.»

Pukgalhtawakga xla xtatayananin Jehová, kgalhi 127 laktawilh, makgalhsputuka abril kata 2012.