Videos xla serie Xʼamigo Jehová kawanti, niku taxtukgo takilhtlin chu caricatura xla Caleb chu Sofía, lu lakgatikgo. Natlatni chu kamanan tsokgnankgonit xlakata napaxtikatsininankgo xlakata videos xla serie. Makgapitsi wa umakgolh liʼakxilhtit:

• «Kpaxtikatsinilh xlakata DVD Jehová bendice al que escucha y obedece. Chali chali akxtum ktaʼakxilha kijaguar xapeluche.» (Zach, akgkitsis kata)

• «Xasasti tatlakgni kimasiyanilh pi Jehová kimpaxki chu lakgati naktlawani oración putum kilhtamaku.” (Mikariah, akgchaxan kata)

• «Kkatsinilh nakkakgalhakgaxmata kinatlatni chu skulunku naktawila chu nakkaxwilinan. Kpaxtikatsini xlakata uma video xla kamanan.» (Nicole, akgtsayan kata)

• «Lu kpaxtikatsini xlakata uma video. Kimakgapaxuwa chu kimakgalitsiyan. Lu klakgatilh.» (Mckenzie, akgkitsis kata)

• «Lu klakgati videos Xʼamigo Jehová kawanti. Chali chali kakxilha. Jehová lu tlan likatsi xlakata kamalakpuwanin natlawayatit uma.» (Ava, akgtsayan kata)

• «Lu klakgati videos. Kkakatsinima putum tatlakgni. La uku tlakg kpaxki Jehová.» (Devon, akgtati kata)

• «¡Lu kakxilhputuna xasasti video xla Caleb! ¡Chuntiya kaskujtit!» (Vance, akgtsayan kata)