Lu stlan tatlakgni klhuwa tachuwin
Matitaxtikan xaletra akgtum tatlakgni lu tuwa. ¡Kaj kalakpuwanti la xlilhuwa taskujut natlawakan maktum libro nema kgalhi 135 takilhtlin!
Xtatayananin Jehová tlawakgolh takilhtlin chu akgtutu kata litlawakgolh 116 tachuwin xasasti xtakilhtlinkan nema wanikan Kakilhtliniw Jehová. Nachuna, tatlawalh 55 takilhtlin k55 tachuwin. Chu aku na natatlawa klhuwa tachuwin.
Matitaxtikan kʼatanu tachuwin, ni watiya wamputun lakkaxtlawakan
Xtatayananin Jehová tlawakgonit xlikgalhtawakgakan max 600 tachuwin, chu kpágina jw.org max 400 tachuwin wi likgalhtawakga. Pero tuwa matitaxtika kʼatanu tachuwin takilhtlin, xlakata xatatlakgni ni talakgpalitilhalh kʼakgatunu tachuwin.
Lakkaxtlawakan takilhtlin ni xtachuna akxni matitaxtikan revista kʼatanu tachuwin. Akgtum liʼakxilhtit, akxni tamatitaxti revista Makatsinina, tiku matitaxtikgo putum tsokgwilikgo chuna la min kxaʼinglés. Pero akxni tamatitaxti takilhtlin, nila putum kilhtamaku chuna tlawakan.
Matitaxtikan takilhtlin kʼatanu tachuwin
Akxni tamatitaxti takilhtlin kʼatanu tachuwin, ni xtachuna la amakgapitsi likgalhtawakga. Maski talakaskin putum natsokgwilikan chuna la min kxaʼinglés, na talakaskin stlan natakgaxmata tachuwin chu ni tuwa nalakapastakkan.
Tachuwin nema natsokgwilikan ktakilhtlin ni laktuwa xliwanat, wa xlakata akxni wi tiku nalikilhtli naʼakgatekgsa tuku kilhchanima. Maski kʼatanu tachuwin natamatitaxti, talakaskin pi tlan natakgaxmata versos, ni natalakgpali akxni nawilikan tatlakgni chu tlan nalimakgkatsikgo tiku nalikilhtlikgo.
¿La tlawakgolh tiku matitaxtikgolh kʼatanu tachuwin xlakata chuna nawan? Ni tsokgwilikgolh akgatunu tachuwin chuna la xwi kxaʼinglés. Wata kawanika pi xmaklakaskinkgolh ni laktuwa tachuwin nema ni tuwa nalakapastakkan chu xkgalhilh talakapastakni nema wi kBiblia chuna la xaʼinglés.
Xapulana tsokgwilikgolh putum tachuwin chuna la wi takilhtlin xaʼinglés. Alistalh, chatum xtatayana Jehová tiku katsini tsinu xlakata tatlakgni xastlan poema tlawalh texto. Alistalh, tiku matitaxtikgo kʼatanu tachuwin liwana akxilhkgolh xlakata chuna xtatsokgtawilalh la wi kxaʼinglés.
Lhuwa millones xtatayananin Jehová xlikalanka kkatiyatni xatapaxuwan makglhtinankgolh xasasti takilhtlin. Chu lhuwa xalak atanu tachuwin kgalhkgalhimakgolh nakamaxkikan xtakilhtlinkan kxtachuwinkan.
Max na nalakgatiya uma
KTLAWAYAW LIKGALHTAWAKGA
«Wa uma tiji»
Kakgaxpatti takilhtlin, takilhtikgonit kxversículos Biblia, takilhtli kʼakgtsayan tachuwin.
KTLAWAYAW LIKGALHTAWAKGA
Minkgo tlakgkgo xalakstlan tatlakgni
Tipuxam kata, tlakgnanin xla xlikalanka katiyatni kamaxkikanit talakaskin namakgtlakgnankgo kʼakgtum orquesta nema nitu xtachuna.