Buk Song 101:1-8
Devit i raitim dispela song.
101 Bai mi singsing long gutpela pasin laikim* na stretpela pasin.
O Jehova, bai mi singim ol song bilong preisim* yu.
2 Mi bai bihainim gutpela tingting na i no gat asua long wanpela samting.*
Wanem taim bai yu helpim mi?
Mi bai wokabaut long pasin i stret+ insait long haus bilong mi.
3 Mi no ken orait long lukim ol samting i nogut.
Na mi heitim pasin bilong ol man i lusim stretpela rot.+
Mi no ken wokabaut wantaim ol.*
4 Mi no ken bihainim man em pasin i no stret i stap long bel bilong em;Na mi no ken orait* long pasin nogut.
5 Man i save hait na mekim tok i krungutim gutnem bilong arapela,+Mi bai stopim em long toktok.*
Na man em ai bilong em i save mekim pasin antap na bel bilong em i save mekim pasin hambak,Mi no ken orait liklik long em.
6 Mi bai orait long ol bilipman i stap long graun,Na ol bai i stap wantaim mi.
Man i no gat asua long wanpela samting* em bai i mekim wok bilong mi.
7 Ol man i save mekim pasin giaman, ol i no ken i stap long haus bilong mi,Na ol man bilong mekim tok giaman, ol i no ken i stap wantaim mi.*
8 Olgeta moning mi bai bagarapim ol man nogut i stap long graun,Na mi bai pinisim ol man bilong mekim rong long taun bilong Jehova.+
Ol Futnot
^ O, “mekim musik long.”
^ O, “holimpas bilip.”
^ O, “Pasin bilong ol i no ken pas long mi.”
^ Hib., “save.”
^ O, “pinisim em.”
^ O, “holimpas bilip.”
^ Hib., “ol i no ken i stap long ai bilong mi.”
