Buk Song 111:1-10
111 Preisim Ja!*+
א [Aleph]
Mi bai givim biknem long Jehova long bel olgeta bilong mi+ב [Beth]
Namel long grup bilong ol stretpela manmeri i bung wantaim.
ג [Gimel]
2 Ol wok bilong Jehova i nambawan tru;+ד [Daleth]
Ol man i amamas long wok bilong em, ol i laik skelim gut ol dispela wok.+
ה [He]
3 Ol samting em i mekim i kamapim glori bilong em na biknem bilong em,
ו [Waw]Na stretpela pasin bilong em i save stap oltaim oltaim.+
ז [Zayin]
4 Em i mekim na ol manmeri i no inap lusim tingting long ol strongpela wok bilong em.+
ח [Heth]
Jehova em i man bilong sori* na marimari.+
ט [Teth]
5 Em i save givim kaikai long ol manmeri i pret long em.+
י [Yod]
Na em i save tingim kontrak bilong em inap oltaim oltaim.+
כ [Kaph]
6 Em i givim ol samting bilong ol arapela lain long ol manmeri bilong em+
ל [Lamed]Na long dispela rot, em i soim bikpela strong bilong em long ol.
מ [Mem]
7 Tok i tru na stretpela pasin i kamap klia long ol wok bilong han bilong em;+נ [Nun]
Ol man inap bilip tru long ol tok bilong em.+
ס [Samekh]
8 Ol man inap trastim ol tok bilong em, nau na i go inap oltaim bihain;
ע [Ayin]Long wanem, tok i tru na stretpela pasin i as bilong en.+
פ [Pe]
9 Em i bin baim bek ol manmeri bilong em.+
צ [Tsade]
Na kontrak bilong em i stap oltaim oltaim.
ק [Qoph]
Nem bilong em i holi na ol man i save rispek long en.+
ר [Resh]
10 Pasin bilong pret long Jehova,+ em i stat bilong savetingting.
ש [Sin]
Ol man i save bihainim tok bilong em, ol i save skelim gut ol samting.+
ת [Taw]
Litimapim nem bilong em inap oltaim oltaim.
Ol Futnot
^ O, “Haleluya.” “Ya” o “Ja” em sotpela wei bilong kolim nem Jehova.
^ O, “mekim gutpela pasin.”
