Buk Song 112:1-10
112 Preisim Ja!*+
א [Aleph]
Man i save pret long Jehova,+
ב [Beth]Na i laikim tumas long bihainim ol lo bilong em, dispela man i ken amamas.+
ג [Gimel]
2 Ol tumbuna pikinini bilong em bai i gat bikpela namba long graun,
ד [Daleth]Na God bai mekim gut long lain tumbuna pikinini bilong ol stretpela man.+
ה [He]
3 Ol gutpela samting na mani samting i stap long haus bilong em,
ו [Waw]Na stretpela pasin bilong em bai stap oltaim oltaim.
ז [Zayin]
4 Tudak i stap, tasol em i stap olsem lait bilong ol stretpela man.+
ח [Heth]
Em i gat pasin sori* na pasin marimari+ na stretpela pasin.
ט [Teth]
5 Man i gat pasin bilong givim ol samting* na i save larim ol arapela i dinau long em, em i ken i stap gut.+
י [Yod]
Em i save mekim ol wok bilong em long pasin i stret.
כ [Kaph]
6 Em bai i no inap pundaun.+
ל [Lamed]
Ol bai i no inap lusim tingting long stretpela man.+
מ [Mem]
7 Sapos em i harim nius nogut, em bai i no pret.+
נ [Nun]
Em i gat strongpela bel, na em i save trastim Jehova.+
ס [Samekh]
8 Bel bilong em i no save wari;* em i no save pret;+
ע [Ayin]Bihain em bai i lukim ol birua bilong em i lus long pait.+
פ [Pe]
9 Em i givim planti samting; em i givim ol samting long ol rabisman.+
צ [Tsade]
Stretpela pasin bilong em i save stap oltaim oltaim.+
ק [Qoph]
Ol i givim biknem long em na litimapim strong* bilong em.
ר [Resh]
10 Man nogut bai i lukim dispela samting na em bai i no amamas.
ש [Shin]
Em bai kaikaim tit bilong em na em bai i no stap moa.
ת [Taw]
Na ol laik bilong ol man nogut bai i no inap kamap.+
Ol Futnot
^ O, “Haleluya.” “Ya” o “Ja” em sotpela wei bilong kolim nem Jehova.
^ O, “gutpela pasin.”
^ O, “gutpela pasin.”
^ O, “i stap strong.”
^ Hib., “kom.”
