Buk Song 32:1-11
Singsing bilong Devit. Maskil.*
32 Ol man em God i fogivim ol rong bilong ol na karamapim* sin bilong ol, ol i ken amamas.+
2 Ol man em Jehova i tingim olsem ol i no gat asua,+Na ol i no save bihainim pasin giaman, ol i ken amamas.
3 Taim mi no autim sin bilong mi, strong bilong mi i pinis olgeta, long wanem, mi pilim pen na krai long san na long nait.+
4 Yu no amamas long mi na dispela i givim hevi long mi long san na long nait.+
Strong bilong mi i pinis olgeta, olsem bikpela san i hatim graun na wara i drai. (Selah)
5 Orait, bihain mi autim sin bilong mi long yu;Mi no haitim rong bilong mi.+
Mi tok olsem: “Bai mi autim ol sin bilong mi long Jehova.”+
Na yu lusim ol sin bilong mi.+ (Selah)
6 Olsem na ol man i stap gut long yu, ol i mas prea long yu+Taim rot i op i stap yet bilong painim yu.+
Na maski hevi i kamap olsem wara i tait, em bai i no inap daunim em.
7 Yu ples hait bilong mi;Yu bai lukautim mi na ol pen na hevi i no ken daunim mi.+
Yu raunim mi long singaut bilong amamas long yu kisim bek mi.+ (Selah)
8 Yu tok olsem: “Bai mi mekim yu kisim pasin bilong skelim gut ol samting na skulim yu long pasin mi laik yu bihainim.+
Bai mi givim edvais long yu na ai bilong mi bai stap long yu.+
9 Yu no ken kamap olsem hos o miul,* em ol i no gat save.+
Yu mas putim hap ain long maus bilong ol bilong kontrolim olNa long dispela rot ol bai bihainim laik bilong yu.”
10 Man nogut i karim planti pen;Tasol man i trastim Jehova, gutpela pasin laikim* bilong em bai lukautim em.+
11 Yupela stretpela manmeri, yupela i mas belgut na amamas long Jehova;Yupela ol man i gat gutpela bel, yupela i mas singaut amamas na singim song.
