Buk Song 34:1-22
Singsing bilong Devit. Em i raitim dispela song bihain long em i bin giaman olsem em i longlong man+ long ai bilong Abimelek, na em i rausim em i go.
א [Aleph]
34 Oltaim bai mi litimapim nem bilong Jehova;Mi bai no inap stop long givim biknem long em.
ב [Beth]
2 Oltaim mi bai preisim Jehova;+Ol manmeri i gat pasin daun, ol bai harim na ol bai amamas.
ג [Gimel]
3 Yumi olgeta wantaim i mas givim biknem long Jehova;+Yumi olgeta wantaim i mas litimapim nem bilong em.
ד [Daleth]
4 Mi prea long Jehova na em i harim prea bilong mi.+
Em i rausim olgeta pret bilong mi, na mi no pret moa.+
ה [He]
5 Ol man i bilip long em, ol i ken amamas;Na ol bai i no bel hevi.
ז [Zayin]
6 Man i no gat nem* i singaut na Jehova i harim em.
Em i kisim bek em long olgeta hevi em i karim.+
ח [Heth]
7 Ensel bilong Jehova i save was raunim ol manmeri i pret long God,+Na em i save kisim bek ol.+
ט [Teth]
8 Yupela i mas traim na lukim na bai yupela i save olsem Jehova i gutpela;+Man i go long em bilong em i ken i stap ples hait bilong em, dispela man i ken amamas.
י [Yod]
9 Yupela i mas pret long Jehova, yupela ol manmeri holi bilong em,Long wanem, ol manmeri i pret long em, ol i no save sot long wanpela samting.+
כ [Kaph]
10 Ol strongpela yangpela laion i no gat kaikai olsem na ol i hangre,Tasol ol man i wok long painim Jehova, ol bai i no sot long wanpela gutpela samting.+
ל [Lamed]
11 Ol pikinini man bilong mi, yupela kam na putim yau long tok bilong mi;Mi bai skulim yupela long pasin bilong pret long Jehova.+
מ [Mem]
12 Husat i laik bai laip bilong em i gat amamas?
Na husat i laik bai sindaun bilong em i gutpela?+
נ [Nun]
13 Sapos yu laik i stap olsem, orait yu mas bosim maus bilong yu na yu no ken mekim tok nogut,+Na yu no ken mekim tok giaman.+
ס [Samekh]
14 Yu mas givim baksait long pasin nogut na mekim gutpela pasin;+Na yu mas wok long stap wanbel* wantaim ol arapela na bihainim dispela pasin.+
ע [Ayin]
15 Ai bilong Jehova i save lukluk long ol stretpela man,+Na em i save putim yau long ol taim ol i singaut long kisim helpim.+
פ [Pe]
16 Tasol Jehova i no laikim ol man i save mekim pasin nogut,Em bai bagarapim ol na ol bai i no stap moa long graun, na ol manmeri bai i no inap tingim ol gen.+
צ [Tsade]
17 Ol stretpela manmeri i singaut na Jehova i harim singaut bilong ol;+Em i helpim ol na ol hevi bilong ol i no daunim ol.+
ק [Qoph]
18 Jehova i save stap klostu long ol manmeri em hevi i daunim tru ol;+Na em i save kisim bek ol manmeri bel bilong ol i bagarap.+
ר [Resh]
19 Planti hevi i save painim stretpela man,+Tasol Jehova i save helpim em na ol dispela hevi i no save daunim em.+
ש [Shin]
20 Em i lukautim olgeta bun bilong em;Na i no gat wanpela bilong ol i bruk.+
ת [Taw]
21 Bagarap bai painim man nogut na em bai dai;Ol man i no laikim stretpela man, kot bai painim ol long pasin bilong ol.
22 Jehova i save kisim bek ol wokman bilong em na ol i stap laip;Na ol man i go long em, em bai i stap ples hait bilong ol, ol bai i no gat asua.+
