Buk Song 44:1-26
Tok i go long dairekta. Singsing bilong ol pikinini man bilong Kora.+ Maskil.*
44 God, mipela i harim long yau bilong mipela yet,Ol stori em ol tumbuna papa bilong mipela i bin tokim mipela,+Long ol wok yu bin mekim long taim ol i stap laip yet
Long dispela taim bipo.
2 Long han bilong yu, yu rausim ol manmeri bilong ol arapela kantri i go+Na yu givim graun bilong ol long ol tumbuna papa bilong mipela.+
Yu daunim ol arapela kantri na rausim ol i go.+
3 I no long bainat bilong ol yet ol i pait na kisim dispela graun,+Na i no long han bilong ol yet, ol i winim pait.+
Nogat, yu laikim ol,+Olsem na long rait han bilong yu na long strong bilong yu+ na long lait bilong pes bilong yu, yu helpim ol long winim pait.
4 God, yu King bilong mi;+Yu tok na lain bilong Jekop i save winim pait.
5 Long strong bilong yu, mipela inap rausim ol birua bilong mipela;+Long nem bilong yu, mipela inap daunim ol lain i pait long mipela.+
6 Mi no trastim banara bilong mi,Na bainat bilong mi i no inap helpim mi.+
7 Yu tasol i bin kisim bek mipela long han bilong ol birua bilong mipela,+Yu tasol i bin daunim ol man i no laikim tru mipela.
8 God, long olgeta de, mipela bai preisim yu,Na mipela bai givim tenkyu long nem bilong yu inap oltaim oltaim. (Selah)
9 Tasol nau yu rausim mipela i go na yu rabisim mipela,Na yu no moa go wantaim ol ami bilong mipela long pait.
10 Yu mekim mipela i ranawe long ol birua bilong mipela;+Na ol lain i heitim mipela, ol i kisim ol samting bilong mipela em ol i laikim.
11 Yu bin putim mipela long han bilong ol olsem ol sipsip ol i laik kilim i dai;Na yu rausim mipela i go i stap nabaut namel long ol lain manmeri.+
12 Yu salim ol manmeri bilong yu long liklik prais tasol;+Na yu no mekim wanpela profit long dispela.*
13 Yu larim ol lain i stap klostu long mipela i tok bilas long mipela,Ol lain manmeri i stap klostu long mipela, ol i lukim mipela olsem samting bilong tok bilas na lap long en.
14 Yu mekim mipela i stap olsem samting em ol manmeri bilong ol arapela kantri i save tok bilas long en,+Na mipela i kamap samting em ol manmeri i save tantanim het bilong ol long en bilong semim mipela.
15 Long olgeta de dispela i daunim mi tru,Na mi pilim sem nogut tru
16 Long ol tok bilas bilong ol na ol tok ol i sutim long mi,Bikos ol birua bilong mipela i bekim bek pasin mipela i bin mekim.
17 Maski dispela olgeta samting i painim mipela, mipela i no lusim tingting long yu,Na mipela i no brukim kontrak yu wokim wantaim mipela.+
18 Bel bilong mipela i no givim baksait long yu;Na mipela i no lusim rot bilong yu.
19 Tasol yu krungutim mipela long ples ol jekol* i save stap long en;Na yu karamapim mipela long tudak nogut tru.
20 Sapos mipela i lusim pasin bilong singaut long nem bilong God bilong mipelaNa sapos mipela i apim han na prea long god bilong ol arapela lain,
21 God bai save long dispela,Long wanem, em i save long tingting hait i stap long bel bilong ol man.+
22 Mipela i stap manmeri bilong yu, olsem na dai i laik painim mipela long olgeta taim;Ol i lukim mipela olsem ol sipsip bilong kilim i dai tasol.+
23 Jehova, yu mas kirap. Wai na yu slip i stap?+
Yu kirap! Yu no ken givim baksait oltaim long mipela.+
24 Wai na yu haitim pes bilong yu long mipela?
Na wai na yu lusim tingting long ol pen na hevi bilong mipela?
25 Ol i mekim mipela i pundaun long graun;Na mipela i slip long graun.+
26 Yu mas kirap na helpim mipela!+
Yu mas tingim gutpela pasin laikim* bilong yu na kisim bek* mipela.+
