Buk Song 57:1-11
Tok i go long dairekta; singim long nek ol i kolim “No Ken Bagarapim.” Singsing bilong Devit. Miktaim.* Em i raitim dispela song taim em i ranawe long Sol na i go i stap insait long keiv.+
57 O God, tingim mi na mekim gut long mi,Mi save go long yu bai yu stap olsem ples hait bilong mi,+Na mi save hait aninit long wing bilong yu inap ol hevi i pinis.+
2 Mi singaut long God Antap Tru,Mi singaut long God tru, em man i save pinisim ol hevi bilong mi.
3 Em bai i stap long heven na helpim mi na kisim bek mi.+
Em bai paulim ol samting em man i mekim nogut long mi i mekim. (Selah)
God bai soim gutpela pasin laikim* bilong em na em bai i no lusim mi.+
4 Ol laion i raunim mi;+Mi mas slip namel long ol wel animal i save kaikai ol manmeri.
Tit bilong ol i olsem ol spiaNa tang bilong ol i olsem bainat i sap.+
5 O God, mekim namba bilong yu i go antap moa winim heven;Na biknem bilong yu i ken i stap antap moa winim graun.+
6 Ol i putim umben bilong holimpas lek bilong mi;+Na hevi i daunim mi tru.+
Ol i bin digim hul long rot bilong mi bai mi ken pundaun long en.
Tasol ol yet i pundaun i go insait long dispela hul.+ (Selah)
7 O God, long bel bilong mi, mi bilip strong long yu.+
Long bel bilong mi, mi bilip olgeta long yu.
Mi bai mekim musik na singsing bilong litimapim nem bilong yu.
8 Mi* mas lusim slip na kirap.
Yupela ol instramen i gat ol string; na ol harp,* yupela i mas kirap. Na yupela i mas mekim musik.
Mi bai kirap long bikmoning.+
9 O Jehova, mi bai litimapim nem bilong yu namel long ol manmeri;+Mi bai singim ol song bilong preisim* yu namel long ol lain pipol.+
10 Gutpela pasin laikim* bilong yu i bikpela tru, mak bilong en i go antap inap long skai,+Na pasin bilong yu long bihainim tok bilong yu i moa yet, mak bilong en i go antap inap long skai.
11 O God, mekim namba bilong yu i go antap moa winim heven;Na biknem bilong yu i ken i stap antap moa winim graun.+
