Buk Song 7:1-17
-
Jehova em i stretpela Jas
-
‘Jehova skelim mi’ (8)
-
Devit i mekim singsing sore* long Jehova long tok em Kus bilong lain Benjamin i mekim long em.
7 Jehova, God bilong mi, mi kam long yu bilong yu ken i stap ples hait bilong mi.+
Yu mas kisim bek mi long han bilong ol man i mekim nogut long mi.+
2 Nogut ol i kam na brukim mi i go liklik olsem laion i save brukim ol abus,+Na ol i kisim mi i go na i no gat wanpela inap helpim mi.
3 Jehova, God bilong mi, sapos mi gat asua long wanpela samting,O sapos mi bin mekim pasin i no stret,
4 O sapos mi bin mekim rong long wanpela man i bin mekim gutpela pasin long mi,+
O sapos mi bin bagarapim nating birua bilong mi,*
5 Orait larim birua bilong mi i ranim mi na holimpas mi.
Na larim em i krungutim mi i go daun long graunNa mi bai slip i stap long graun na sem nogut tru. (Selah)
6 O Jehova, belhat bilong yu i mas mekim na yu kirap;Yu mas mekim save long ol birua bilong mi em ol i belhat long mi;+Yu mas kirap na helpim mi, na strong long stretpela pasin i mas kamap.+
7 Larim ol kantri i kam bung raunim yu;Na yu mas sindaun long sia king bilong yu na mekim save long ol.
8 Jehova i save tokaut long wanem kain kot i mas painim ol manmeri.+
Skelim mi, O Jehova, i stret long stretpela pasin bilong miNa long pasin bilong mi long wokabaut stret.+
9 Yu mas pinisim pasin nogut bilong ol man nogut.
Na yu mas helpim stretpela man long sanap strong,+Long wanem, yu God bilong mekim stretpela pasin,+ na yu save skelim bel+ na ol filings i stap insait tru long bel*+ bilong ol man.
10 God em i olsem hap plang bilong pait i banisim mi,+ na em i Seivia bilong ol man i gat gutpela bel.+
11 God, em i stretpela Jas,+Na oltaim God i save tokaut* olsem ol man nogut i gat asua.
12 Sapos wanpela man i no tanim bel,+ orait God bai sapim bainat bilong em;+Em i taitim banara bilong em na i redi long sut.+
13 Em i redim ol samting bilong kilim man i dai;Na em i redim ol spia bilong em i gat paia long en.+
14 Lukim! I gat wanpela man i tingting long mekim ol samting nogut;Na em i save kamapim trabel olsem papa i save kamapim ol pikinini man. Na em i save mekim tok giaman.+
15 Em i wokim bikpela hul long graun na em i digim i go daun tru,Tasol em yet i pundaun i go insait long dispela hul em i bin wokim.+
16 Hevi em i kamapim bai kam bek long em yet;+Na pasin bilong em long pait na bagarapim narapela bai tanim na bagarapim em yet.
17 Mi bai preisim Jehova, long wanem, em i save mekim stretpela pasin;+Na mi bai singim ol song bilong preisim* nem bilong Jehova,+ em God Antap Tru.+
Ol Futnot
^ O ating, “Taim mi no bagarapim man i birua nating long mi.”
^ O, “traim ol bel na ol kidni.”
^ O, “tromoi strongpela tok long.”
^ O, “mekim musik long.”
