Buk Song 72:1-20
-
Gutpela wok bos bilong king God i makim
Singsing i stori long Solomon.
72 O God, yu mas skulim king long mekim ol samting i stret,Na yu mas skulim pikinini man bilong king long mekim stretpela kot.+
2 Em bai mekim stretpela pasin bilong sambai long ol manmeri bilong yu,Na em bai mekim stretpela kot long ol man i no gat nem.+
3 Ol maunten i ken bringim bel isi long ol manmeri,Na ol liklik maunten i ken bringim stretpela pasin.
4 Em i ken sambai long* ol man i no gat nem,Na em i ken kisim bek ol pikinini man bilong ol rabisman,Na em i ken bagarapim ol man bilong mekim pasin trik na giaman.+
5 Taim san i lait yet, ol bai pret long GodNa taim mun i stap yet long skai, ol bai pret long em,Ol bai mekim olsem inap long bihain bihain.+
6 Em bai olsem ren i pundaun long gras ol i katim pinis,Na olsem ren i pundaun na i givim wara long graun.+
7 Taim em i stap yet, ol stretpela manmeri bai kamap gut olsem gras i gro gut,*+Na taim mun i lait yet, bel isi bai i pulap+ long olgeta hap.
8 Em bai bosim ol manmeri kirap long wanpela sait bilong solwara i go long narapela sait bilong solwaraNa kirap long Wara Yufretis na i go long pinis bilong graun.+
9 Ol manmeri i stap long ples nating, ol bai brukim skru long ai bilong em,Na em bai daunim ol birua bilong em.+
10 Ol king bilong Tarsis na bilong ol ailan bai givim takis long em.+
Na ol king bilong Seba na bilong Siba bai givim ol presen long em.+
11 Olgeta king bai brukim skru long ai bilong em,Na olgeta lain manmeri bai mekim wok bilong em.
12 Em bai kisim bek ol rabisman i singaut long kisim helpim,Na em bai helpim tu ol man i no gat nem na ol man i no gat wanpela bilong helpim ol.
13 Em bai sori long ol man i no gat nem na ol rabisman,Na em bai kisim bek ol man i stap rabis.
14 Blut bilong ol bai i dia tumas long ai bilong em,Olsem na em bai kisim bek ol long han bilong ol man i mekim nogut long ol na long ol man i pait na bagarapim ol.
15 Em i ken i stap longpela taim na ol i ken givim gol bilong Seba long em.+
Oltaim ol manmeri i ken beten long God i ken helpim em,Na ol gutpela samting i ken painim em long olgeta taim.
16 Bai i gat planti wit samting long graun;+Na antap long ol maunten, ol wit samting bai pulap.
Ol kaikai long gaden bilong king bai i kamap planti tru olsem ol diwai long Lebanon,+Na long ol taun, ol manmeri bai kamap planti olsem gras i kamap planti long graun.+
17 Nem bilong em i ken i stap oltaim oltaim,+Na nem bilong em i ken i stap yet olsem san i stap yet.
Long rot bilong em, ol manmeri bai kisim blesing;+Na olgeta lain manmeri i ken tokaut olsem em i amamas.
18 Litimapim nem bilong God Jehova, em God bilong ol Israel,+Em wanpela tasol i save mekim ol gutpela samting.+
19 Oltaim litimapim nem bilong em i nambawan tru,+Na glori bilong em i ken inapim olgeta hap bilong graun.+
Amen na Amen.
20 Ol prea bilong Devit, pikinini man bilong Jesi, i pinis long hia.+
