Buk Song 75:1-10
-
God i save mekim wok jas long pasin i stret
-
Ol man nogut bai dring long kap bilong Jehova (8)
-
Tok i go long dairekta. Singim long nek ol i kolim “No Ken Bagarapim.” Singsing bilong Asap.+
75 O God, mipela i tenkyu long yu, mipela i tenkyu long yu;Yu save stap klostu long mipela,*Na ol manmeri i save tokaut long ol gutpela wok bilong yu.
2 Yu tok olsem: “Mi makim pinis taim bilong mekim kot,Na taim mi mekim wok jas mi bai mekim long pasin i stret.
3 Taim graun na ol manmeri i stap long en i wok long guria,*Mi tasol i bin mekim na ol samting bilong strongim graun i stap strong.” (Selah)
4 Mi tokim ol man i save litimapim nem bilong ol yet olsem, “Yupela i no ken apim nem bilong yupela,”Na mi tokim ol man nogut olsem, “Yupela i no ken hambak long strong* bilong yupela.
5 Yupela i no ken hambak moa yet long strong* bilong yupelaNa mekim toktok long pasin antap.
6 Pasin bilong man long litimapim nem bilong em yetI no kam long hap is o hap wes o hap saut.
7 God wanpela tasol em i Jas.+
Em i save daunim wanpela man na litimapim narapela.+
8 Jehova i holim wanpela kap long han bilong em;+Wain i stap insait long en ol i miksim gut tru na planti babol i stap long en.
Em bai kapsaitim dispela wain,Na ol man nogut bilong graun bai dring na pinisim tru.”+
9 Tasol oltaim bai mi tokaut long ol samting God i bin mekim;Mi bai singim ol song bilong preisim* God bilong Jekop.
10 Em i tok olsem: “Mi bai pinisim strong* bilong ol man nogut,Tasol mi bai apim strong* bilong ol stretpela man.”
Ol Futnot
^ Hib., “Nem bilong yu i stap klostu long mipela.”
^ Hib., “i pinis.”
^ Hib., “kom.”
^ Hib., “kom.”
^ O, “mekim musik long.”
^ Hib., “kom.”
^ Hib., “kom.”
