Buk Song 77:1-20
Tok i go long dairekta bilong Jedutun.* Singsing bilong Asap.+ Em i raitim dispela song.
77 Mi bai singaut strong long God;Mi bai singaut long God, na em bai harim singaut bilong mi.+
2 Long taim bilong hevi, mi singaut long Jehova.+
Na long nait mi apim han na prea long em.
Tasol mi no kisim bel isi.
3 Mi tingim ol wok bilong God na mi laik tru long em i orait long mi;+Mi tingting planti na strong bilong mi i pinis.+ (Selah)
4 Yu no larim mi pasim ai bilong mi;Mi wari na mi no inap toktok.
5 Mi tingting bek long taim bipo,+Yes, mi tingim gen ol dispela yia i go pinis.
6 Long nait mi tingting long song bilong mi;*+Na mi tingim tingim long bel bilong mi;+Na mi wok strong long kliagut long bekim bilong ol dispela askim.
7 Olsem wanem? Ating Jehova bai givim baksait olgeta long yumi?+
Ating em bai i no moa tingim yumi?+
8 Ating em i no inap mekim gutpela pasin laikim* long yumi moa, a?
Ating ol lain i kamap bihain i no inap lukim tok promis bilong em i kamap tru?
9 Ating God i lusim tingting long mekim gutpela pasin?+
Na ating belhat bilong em i pasim pasin marimari bilong em, a? (Selah)
10 Mi wok long tok olsem: “Dispela samting i mekim mi bel hevi:*+
Ating God Antap Tru i no laik helpim yumi moa”?
11 Mi bai tingim ol wok Ja i bin mekim;Yes, mi bai tingim ol gutpela wok yu bin mekim long bipo.
12 Na mi bai tingim tingim long bel olgeta samting yu bin mekimNa mi bai tingim tingim ol wok yu bin mekim.+
13 God, pasin bilong yu i holi.
God, i no gat wanpela god i olsem yu, yu tasol i nambawan tru.+
14 Yu tasol yu God tru, na yu save mekim ol gutpela samting.+
Yu bin soim strong bilong yu long ol manmeri.+
15 Long strong* bilong yu, yu bin kisim bek ol manmeri bilong yu,+Em ol pikinini man bilong Jekop na bilong Josep. (Selah)
16 God, ol wara i lukim yu;Ol wara i lukim yu na ol i no stap isi.+
Na ol wara i dip tru i kamap raf.
17 Na ren i pundaun i kam daun long skai.
Na klaut i blak na tanda i pairap,Na ol spia bilong yu i sut go long olgeta hap.+
18 Pairap bilong tanda bilong yu+ i olsem pairap bilong ol wil bilong karis;Laitning i sut i go nabaut na i mekim olgeta hap bilong graun i lait;+Na graun i guria.+
19 Yu wokabaut i go brukim solwara,+Na yu wokabaut i go brukim planti wara;Tasol i no gat wanpela inap lukim lek mak bilong yu.
20 Yu go pas long ol manmeri bilong yu na ol i bihainim yu olsem ol sipsip,+Em ol i stap aninit long lukaut* bilong Moses na Aron.+
Ol Futnot
^ O, “musik mi pilaim long instramen i gat string.”
^ O, “sutim mi.”
^ Hib., “han.”
^ Hib., “Em ol i stap long han.”
