Buk Song 83:1-18
Singsing bilong Asap.+
83 O God, yu no ken pasim maus;+O God, yu no ken sindaun na lukluk tasol.
2 Lukim, ol birua bilong yu i singaut bikmaus nabaut;+Ol man i no laikim yu, ol i hambak long yu.*
3 Long pasin hait ol i giaman na pasim tok long bagarapim ol manmeri bilong yu;Ol i bung wantaim na toktok long bagarapim ol manmeri yu laikim tru.*
4 Ol i tok olsem: “Kam, yumi go pinisim tru ol Israel,+Na bai ol manmeri i no inap tingim ol moa.”
5 Ol i wanbel wantaim na wokim plen long bagarapim yu;*Ol i poroman* wantaim long pait long yu.+
6 Ol Idom, ol Ismael,* ol Moap+ na ol Hagar,+
7 Na ol Gebal, na ol Amon,+ na ol Amalek,Na ol Filistia,+ na olgeta manmeri i stap long Tair.+
8 Na ol Asiria+ tu i joinim ol;Ol i sapotim* ol lain tumbuna pikinini bilong Lot.* (Selah)
9 Yu mas mekim wankain pasin olsem yu bin mekim long ol Midian,+Na olsem yu bin mekim long Sisera na long Jabin long Wara Kison.+
10 Yu bin pinisim ol long taun En-dor;+Na bodi bilong ol i kamap olsem pekpek long graun.
11 Yu mas mekim ol hetman bilong ol i kamap olsem Orep na Sep+Na mekim ol lida bilong ol i kamap olsem Sibar na Salmuna,+
12 Long wanem, ol i bin tok olsem: “Yumi mas kisim dispela graun em God i stap long en.”
13 O God bilong mi, yu mas mekim ol i kamap olsem gras i gat nil em win i sakim i go nabaut,+Na olsem pipia bilong gras em win i karim i go.
14 Na olsem paia i kukim bikbus,Na olsem paia i kukim ol maunten na ol i kamap blak,+
15 Long wankain pasin yu mas salim bikpela win i kam ranim ol dispela lain.+
Na yu mas salim traipela win na ren bilong yu i kam na mekim ol i pret.+
16 Karamapim* pes bilong ol long sem,Na bai ol i askim long nem bilong yu, O Jehova.
17 Mekim ol i sem na pret oltaim;Semim ol na ol i ken pinis olgeta;
18 Ol manmeri i ken save olsem yu, nem bilong yu, Jehova,+Yu wanpela tasol yu God Antap Tru na yu bosim olgeta hap bilong graun.+
Ol Futnot
^ O, “apim het bilong ol.”
^ Hib., “bagarapim ol manmeri bilong yu i hait.”
^ Hib., “Ol i toktok wantaim na long bel ol i wanbel.”
^ O, “wokim kontrak.”
^ Hib., “Ol haus sel bilong ol Idom na bilong ol Ismael.”
^ Hib., “kamap han bilong.”
^ Dispela i makim ol Moap na ol Amon.
^ Hib., “Pulapim.”
