Buk Song 96:1-13
96 Singim nupela song long Jehova.+
Yu graun, singsing long Jehova!+
2 Singim song long Jehova; preisim nem bilong em.
Long olgeta de, tokaut long gutpela nius olsem em i save kisim bek ol manmeri.+
3 Tokaut long glori bilong em long olgeta kantri,Na long ol gutpela wok bilong em long olgeta manmeri.+
4 Jehova em i nambawan tru na yumi mas litimapim nem bilong em.
I stret yumi mas pret long em winim ol arapela god.
5 Olgeta god bilong ol manmeri, ol i yusles god,+Tasol Jehova i bin wokim ples antap.+
6 Long hap em i stap long en, i gat glori na i naispela tru;+Long ples em i stap long en, i gat bikpela strong na i naispela tru.+
7 Givim ona long Jehova, yupela ol lain famili bilong ol manmeri,Givim ona long Jehova long glori na strong bilong em.+
8 Givim glori long Jehova olsem i stret long nem bilong em;+Kisim wanpela presen na kam insait long ples bung insait long banis bilong em.
9 Werim ol klos holi bilong yupela* na brukim skru* long Jehova;Yupela olgeta manmeri bilong graun, yupela i mas pret long em na guria!
10 Tokaut long olgeta lain manmeri: “Jehova i kamap King pinis!+
Em bai skelim ol manmeri long stretpela pasin.+
Graun* i stap strong tru na em i no inap surik.”
11 Amamas yu heven na yu graun tu amamas;Solwara na olgeta samting i stap long en i mas mekim bikpela nois olsem tanda;+
12 Graun na olgeta samting i stap long en i mas amamas.+
Long wankain taim ol diwai bilong bikbus i mas singaut amamas+
13 Long ai bilong Jehova, em i wok long kam,*Em i wok long kam bilong skelim graun.
Long stretpela pasin em bai skelim ol manmeri i stap long graun+Na long tok tru bilong em, em bai skelim pasin bilong ol manmeri.+
Ol Futnot
^ O ating, “Bikos pasin holi bilong em i naispela tru.”
^ O, “lotu.”
^ O, “Graun i save kamapim kaikai.”
^ O, “kam pinis.”
