Jeremaia 47:1-7
-
Tok profet long Filistia bai bagarap (1-7)
47 Jehova i gat tok long ol Filistia,+ na em i givim dispela tok long profet Jeremaia long taim Fero i no daunim yet Gasa.
2 Jehova i tok olsem:
“Lukim! Ol wara i kam olsem long hap not.
Ol dispela wara bai tait na solap.
Na ol bai karamapim kantri na olgeta samting i stap long en,Em taun na ol manmeri bilong en.
Na ol man bai singaut,Na olgeta manmeri i stap long kantri bai krai nogut tru.
3 Ol bai harim ol lek bilong ol hos bilong em i pairap strong,Na pairap bilong ol karis bilong em long paitNa pairap bilong ol wil bilong karis bilong em,Na ol papa bai i no tingim ol pikinini bilong ol,Long wanem, han bilong ol i no gat strong,
4 Dispela de i wok long kam bai bagarapim olgeta Filistia;+Na dispela de bai pasim rot bilong ol na ol i no inap helpim moa Tair+ na Saidon.+
Jehova bai bagarapim ol FilistiaEm ol i stap yet long ailan Kefto.*+
5 Gasa bai kamap kela.*
Askelon bai bagarap olgeta.+
Yupela liklik lain i stap long ples daun bilong tupela,Wanem taim bai yupela i stop long katkatim skin bilong yupela?+
6 O, bainat bilong Jehova!+
Wanem taim bai yu stop?
Yu mas go bek insait long paus bilong yu.
Yu mas malolo na stap isi.
7 Jehova i tokim em long mekim dispela wokOlsem na hau bai em i stop?
Em i makim dispela bainat long i go pait long ol Askelon na ol manmeri i stap long nambis,+Em ples em i bin makim long bainat long i go.”
Ol Futnot
^ Dispela em Krit.
^ Dispela i makim olsem ol bai sevim gras long het bilong soim olsem ol i krai sori na sem.
