Jop 29:1-25
29 Orait Jop i skruim tok moa olsem:
2 “Mi laikim tumas bai mi stap gut olsem bipo,Long dispela taim God i bin lukautim mi gut.
3 Em i bin mekim lam bilong em i lait antap long het bilong mi,Na taim mi wokabaut long rot i tudak, em i soim rot long mi.+
4 Taim mi yangpela na i gat strong yet,God i bin pas gut wantaim mi* olsem gutpela pren bilong mi.+
5 Long dispela taim God i Gat Olgeta Strong i bin i stap yet wantaim mi,Na ol pikinini* bilong mi i stap klostu long mi.
6 Na sindaun bilong mi i bin gutpela na mi gat planti milk,Na oil bilong oliv i pulap long ol tang ston bilong mi.+
7 Long dispela taim, mi save go long geit bilong taun+Na sindaun long sia bilong mi long ples bung,+
8 Na taim ol yangpela mangi i lukim mi, ol i save surik i go na givim spes long mi.*
Na ol lapun man tu i save kirap na sanap i stap inap mi sindaun.+
9 Ol lida i no save toktok.
Na ol i save karamapim maus bilong ol long han bilong ol.
10 Ol bikman tu i save pasim maus;Na tang bilong ol i pas long antap bilong insait long maus bilong ol.
11 Taim ol manmeri i bin harim toktok bilong mi, ol i bin litimapim nem bilong mi,Na taim ol i lukim ol samting mi mekim, ol i save amamas long gutpela pasin mi mekim.
12 Long wanem, mi bin helpim ol rabisman i singaut long kisim helpim,+Na mi bin helpim tu ol pikinini i no gat papa na ol manmeri we i no gat man bilong helpim ol.+
13 Na ol man em klostu dai i laik painim ol, ol bai tok long gutpela samting i ken painim mi,+Na mi helpim ol wido na dispela i mekim ol i amamas.+
14 Mi werim stretpela pasin olsem klos bilong mi,Na stretpela pasin bilong mi i olsem longpela saket* na laplap bilong raunim het.
15 Mi bin i stap olsem ai bilong ol aipas na soim rot long olNa mi bin i stap olsem lek bilong helpim ol lek nogut long wokabaut.
16 Mi bin i stap olsem papa bilong ol rabisman.+
Na mi bin helpim tok bilong ol man taim ol arapela i laik kotim ol na daunim ol, maski mi no save long ol.+
17 Man bilong mekim pasin nogut i gat strong olsem bilong wel animal, tasol bai mi pinisim em.+
Na mi bai kisim bek ol man i stap long han bilong em.
18 Mi save tok, ‘Mi bai stap long haus bilong mi yet i go inap long taim mi dai,+Na ol de mi stap laip bai i planti tru olsem wesan bilong nambis.
19 Na mi bai stap strong olsem diwai em ol rop bilong en i go long wara na i pulim planti wara.
Na wara bilong nait bai kam daun na i stap long ol han bilong en.
20 Ol manmeri i save givim biknem long mi,Na strong bilong mi i no inap pinis.’
21 Long taim mi bin toktok, ol man i laik tru long harim,Na ol i bin pasim maus na putim gut yau long tok mi givim long ol.+
22 Taim mi toktok pinis, ol i no gat wanpela tok moa long skruim.
Ol tok bilong mi i krai gut long yau bilong ol.
23 Ol i wet long mi olsem ol manmeri i wet long ren i mas pundaun,Maus bilong ol i op i stap bilong kisim tok bilong mi, i olsem ol i wet i stap long ren i pundaun.+
24 Taim mi smail long ol, ol i bin kirap nogut long mi mekim olsem,Na pes bilong mi i lait na dispela i strongim bel bilong ol.*
25 Mi bin i stap olsem hetman bilong ol na mi stiaim ol,Na mi bin i stap olsem king i stap wantaim lain ami bilong em,+Na mi bin strongim ol olsem man i strongim bel bilong ol manmeri i krai sori long man i dai pinis.+
Ol Futnot
^ Hib., “stap long haus sel bilong mi.”
^ O, “ol wokman.”
^ Hib., “ol i save hait.”
^ O, “longpela siot i no gat han.”
^ O ating, “Pes bilong mi i lait na ol i no mekim i kamap tudak.”
