Jop 4:1-21
4 Orait Elifas+ em man bilong ples Teman i bekim tok olsem:
2 “Sapos wanpela i laik toktok long yu, bai yu givap hariap, a?
Tasol maski, mi no inap pasim maus.
3 Mi save, yu bin stretim planti man,Na yu save strongim ol manmeri i no gat strong.
4 Man i laik pundaun, tok bilong yu i bin kirapim em gen,Na ol man em ol yet i no inap sanap, yu bin strongim ol.
5 Tasol nau, taim nogut i painim yu, na dispela i daunim yu stret;Hevi i painim yu na yu no amamas.
6 Yu man bilong lotuim God olsem na dispela i mas strongim yu.
Yu save stap gut long God+ olsem na nau yu mas bilip na wet long em i helpim yu.
7 Yu inap tingim wanpela man i no gat asua i bin kisim bagarap na i dai?
Na yu inap tingim wanpela stretpela man i bin kisim bagarap?
8 Mi bin lukim olsem ol man i planim samting nogutNa ol man i planim trabel, olgeta bai i kamautim wankain kaikai.
9 God i winim win bilong em na ol i pinis olgeta,Na belhat bilong em i pinisim ol olgeta.
10 Laion i save singaut, na ol man inap harim singaut bilong pikinini laion,Tasol maski i olsem, tit bilong ol strongpela laion i save bruk.
11 Sapos laion i no gat kaikai, em bai dai,Na ol pikinini bilong laion bai go nabaut.
12 Wanpela i hait i kam na i toktok long mi,Na wanpela i toktok isi tru long yau bilong mi.
13 Long nait, long taim we ol man i save slip i dai,Mi lukim ol visen we i mekim mi tingting planti,
14 Na bodi bilong mi i guria stret,Na mi pret nogut tru.
15 Mi pilim wanpela samting* i kam i go;Na skin gras bilong mi i sanap.
16 Dispela samting i sanap na i no muv,Tasol mi no inap luksave em i wanem samting.
Wanpela samting i stap long fran bilong ai bilong mi;I no gat nois, na bihain mi harim wanpela nek i tok:
17 ‘Yu ting wanpela man inap i stap stret moa winim God?
Na yu ting man inap stap klin moa winim Man Bilong Wokim em?’
18 Harim! Em i no save bilip long ol wokman bilong em,Na em i save sutim tok long ol ensel* bilong em.
19 Sapos em i save mekim olsem, orait em i save mekim moa yet long ol man em ol i stap long haus bilong klei,Em ol lain em i bin wokim ol long graun,+Na i isi moa long krungutim ol wankain olsem binatang!
20 Long moning i go inap long apinun, ol i pinis olgeta;Ol i no stap moa, na ol arapela manmeri i no save tingim ol moa.
21 Ol i olsem haus sel i pundaun taim man i rausim baklain ol i bin taitim bilong holim haus sel.
Ol i no gat gutpela tingting na ol i dai, na ol no kisim savetingting.
