Jop 40:1-24
40 Orait Jehova i askim Jop olsem:
2 “Olsem wanem? I stret wanpela man i sutim tok long God i Gat Olgeta Strong na tok pait wantaim em?+
Sapos i gat wanpela man i laik stretim God, orait em i mas bekim tok nau.”+
3 Na Jop i bekim tok bilong Jehova olsem:
4 “God, mi samting nating tasol.+
Hau bai mi bekim ol tok bilong yu?
Mi bai pasim maus tasol.+
5 Mi bin toktok planti taim,Na mi no inap bekim tok gen o mi no inap toktok moa.”
6 Orait long rot bilong traipela win Jehova i bekim tok bilong Jop olsem:+
7 “Sapos yu man tru, orait nau yu mas redi;Mi bai givim ol askim long yu, na yu mas bekim ol askim bilong mi.+
8 Yu bin sutim tok long stretpela pasin bilong mi.
Na yu bin tok strong olsem ol pasin bilong yu i stret, na yu bin kotim mi na tok olsem mi save mekim pasin i no stret.+
9 Ating yu gat strongpela han olsem bilong God tru, a?+
Taim em i singaut, singaut bilong em i save pairap olsem tanda. Ating yu inap singaut strong olsem, a?+
10 Sapos yu inap, orait yu ken soim glori bilong yu na bikpela strong bilong yu.
Na soim biknem bilong yu na namba bilong yu.
11 Lukim ol man i gat hambak pasin, na yu mas daunim ol;
Na kamapim belhat bilong yu long ol.
12 Yes, lukim olgeta man i gat hambak pasin, na daunim ol.
Na yu mas krungutim ol man nogut long ples ol i stap long en.
13 Na haitim olgeta bilong ol insait long das;Na kalabusim ol* long ples hait.
14 Sapos yu mekim olsem, orait mi bai tok amamas long yuOlsem long strong bilong yu, yu inap kisim bek yu yet.
15 Lukim animal Behimot.* Mi yet mi bin wokim em, na mi bin wokim yu tu.
Em i save kaikai gras olsem bulmakau man.
16 Lukim, ol lek bilong em i gat bikpela strong.
Na masol long bel bilong en tu i strong moa yet!
17 Tel bilong en i strong olsem diwai sida.
Na ol rop i pasim mit long bun i stap long tais bilong en i strong tru.
18 Ol bun bilong en i strong tumas olsem ol paip ol i wokim long kopa.
Na ol hanlek bilong en i strong tru olsem ol ba ain.
19 Long famili bilong dispela kain animal, em i fes* animal God i bin wokim na em i gat bikpela strong.
Man Bilong Wokim em, em tasol inap kilim hipopotamus i dai long bainat.
20 Gras em i save kaikai, i save kamap long ol mauntenEm ples we ol wel animal i save raun nabaut long en.
21 Em i save slip aninit long ol liklik diwai i gat nil,Na em i save hait aninit long ol pitpit bilong tais.
22 Ol liklik diwai i gat nil i save haitim em long sedo bilong ol,Na ol diwai popla bilong veli* i raunim em.
23 Taim tait i kamap na wara i ran strong, em i no save pret.
Na maski Wara Jordan+ i tait i kam antap inap long maus bilong en, bel bilong en i save stap isi tasol.
24 Taim em i was i stap, husat inap holimpas em?
Na husat inap sutim nus bilong en long huk?*
Ol Futnot
^ Hib., “pes bilong ol.”
^ Ating em hipopotamus.
^ Hib., “Em i kirap bilong.”
^ Hib., “trap.”
