Jop 9:1-35
9 Orait Jop i bekim tok olsem:
2 “Em stret, tok bilong yu em i tru.
Tasol olsem wanem man inap i stap stret long ai bilong God?+
3 Sapos wanpela man i laik tok pait wantaim God,*+Orait dispela man i no inap bekim wanpela askim bilong God, maski God i givim em 1,000 askim.
4 God i gat savetingting* na bikpela strong.+
Olsem na husat inap sakim em na i no kisim bagarap?+
5 Em i save surikim* ol maunten i go na i no gat wanpela i save;Na taim em i belhat, em i save tanim ol.
6 Em i save mekim graun i seksekNa bai ol samting bilong strongim graun i guria.+
7 Em i save tokim san long no ken laitNa em i save pasim lait bilong ol sta na ol man i no inap lukim;+
8 Em wanpela i bin putim ples antap,+Na em i save wokabaut antap long bikpela weiv bilong solwara.+
9 Na em i wokim lain sta ol i kolim Es, Kesil, na Kima,+Na em i wokim lain sta i stap long hap saut bilong skai;*
10 Em i save mekim ol strongpela wok na ol samting we yumi ol man i no inap tru long painimaut as bilong en,+Na ol bikpela samting we yumi no inap kaunim namba bilong ol.+
11 Em i kam i go abrusim mi na mi no inap lukim em;Em i abrusim mi na i go, tasol mi no luksave long em.
12 Sapos em i laik kisim wanpela samting, husat inap pasim em?
Husat inap askim em olsem, ‘Yu mekim wanem?’+
13 God i no inap pasim belhat bilong em;+Na ol man i helpim Rahap,*+ ol tu bai brukim skru long em.
14 Olsem na taim mi bekim tok long em,Mi bai skelim gut wanem tok mi mekim long em.
15 Maski sapos mi no gat asua, mi no inap mekim wanpela tok long em.+
Mi inap tasol long askim man i stap jas bilong mi long marimari long mi.
16 Sapos mi singaut long em, ating em i no inap bekim tok bilong mi, a?
Mi no ting em bai harim singaut bilong mi,
17 Em i salim bikpela win na ren i kam bagarapim miNa em i givim nating bikpela pen na hevi moa long mi.+
18 Em i no save larim mi pulim win liklik;Em i wok yet long givim planti hevi long mi.
19 Sapos mi laik skelim strong bilong em, strong bilong em i winim strong bilong mi.+
Sapos mi laik kisim em i go long kot, em bai tok: ‘Husat i laik kotim mi?’
20 Maski mi no mekim rong, maus bilong mi yet bai kotim mi;Na maski mi stap gut long God,* em bai tokaut olsem mi gat asua.
21 Maski mi stap gut long God,* mi no save wanem samting bai kamap long mi;Mi les tru long* dispela laip bilong mi.
22 Olgeta samting i wankain. Olsem na mi tok,‘Em i save bagarapim ol man i no gat asua* na em i save bagarapim tu ol man nogut.’
23 Na sapos tait wara i kamap na i kilim ol man i dai,God bai amamas tasol long lukim hevi i painim ol man i no gat asua.
24 Em i larim dispela graun i stap long han bilong ol man nogut;+Em i karamapim ai* bilong ol jas.
Sapos em i no bin mekim ol dispela samting, orait husat i bin mekim?
25 Ol de bilong mi long i stap laip i save go pinis hariap tru, winim man i save ran i go bilong bringim tok;+Ol i pinis hariap tru na mi no bungim gutpela taim.
26 Ol i go pinis hariap tru olsem bot i spit tru em ol i wokim long pitpit,Na olsem tarangau i hetwin i kam daun bilong holimpas abus.
27 Sapos mi tok, ‘Mi inap lusim tingting long bel hevi bilong mi,Orait pes bilong mi bai senis na mi bai amamas,’
28 Mi pret yet, long wanem, mi karim planti pen na hevi,+Na mi save yu lukim mi olsem man i gat asua.
29 Yu bai tokaut olsem mi gat asua.*
Olsem na watpo mi wok hat long kamapim olsem mi no gat rong?+
30 Na sapos mi waswas long wara bilong sno i melt,Na mi wasim han bilong mi long sop,*+
31 Orait yu bai putim mi i go insait long hul i gat graun malumalum,Na dispela bai mekim na ol klos bilong mi bai i no laik tru long mi.
32 God em i no man olsem mi, na mi mas stretim tok wantaim em,Na go kot wantaim em.+
33 I no gat wanpela man i stap bilong skelim tok namel long mitupela.
Husat inap stap olsem jas bilong mitupela?*
34 Sapos God i no paitim mi moa*Na em i no larim ol samting nogut em i mekim i pretim mi,+
35 Orait bai mi no pret long toktok long em,Long wanem em i no pasin bilong mi long pret.
Ol Futnot
^ O, “kisim God i go long kot.”
^ Hib., “savetingting i stap long bel.”
^ O, “rausim.”
^ Hib., “ol rum i stap insait long hap saut.”
^ Ating em makim wanpela traipela animal bilong solwara.
^ O, “maski mi no gat asua.”
^ O, “Maski mi no gat asua.”
^ O, “no laikim tru.”
^ O, “ol man i stap gut long em.”
^ Hib., “pes.”
^ Hib., “man nogut.”
^ O, “potes,” em wanpela kain sop ol i wokim long sit bilong paia.
^ Hib., “putim han bilong en antap long mitupela wantaim.”
^ Hib., “rausim stik bilong em antap long mi.”
