Provep 9:1-18
9 Trupela savetingting i bin wokim haus bilong em;Em i bin sapim 7-pela strongpela pos bilong em.
2 Em i bin redim gut ol abus bilong em;Em i bin miksim wain bilong em;Na tu, em i bin putim ol dis kaikai long tebol bilong em.
3 Em i bin salim ol wokmeri bilong em i go autLong ol ples antap bilong taun bilong singautim ol manmeri,+ olsem:
4 Husat man i sot long save, em i ken kam insait long hia.”
Em i tok long man i sot long gutpela tingting:
5 “Kam, kaikai bret bilong mi,Mi bin miksim pinis wain, kam na dring wantaim mi.
6 Lusim pasin bilong yu long i no gat gutpela tingting na bai yu stap laip;+Wokabaut i go het long pasin bilong kliagut long ol samting.”+
7 Man i stretim wanpela man bilong tok bilas, dispela man bai givim sem long em,+Na man i stretim man nogut, em bai bel hevi.
8 No ken stretim wanpela man bilong tok bilas, nogut em bai heitim yu.+
Stretim wanpela man i gat savetingting, na em bai laikim yu.+
9 Givim tok long man i gat savetingting na savetingting bilong em bai kamap bikpela moa.+
Skulim stretpela man, na em bai surikim save bilong em.
10 Pasin bilong pret long Jehova, em i stat bilong savetingting,+Na save bilong God Holi Tru+ i save givim pasin bilong kliagut long ol samting.
11 Long rot bilong mi, ol de bilong yu bai kamap planti,+Na yu bai stap laip planti yia moa.
12 Sapos yu kamap man i gat savetingting, dispela bai helpim yu yet,Tasol sapos yu man bilong tok bilas, yu yet bai karim hevi long dispela pasin.
13 Longlong meri i save toktok na pairap nabaut.+
Em i no bisi long wanpela samting na em i no gat save liklik long wanpela samting.
14 Em i sindaun long rot i go insait long haus bilong em,Long wanpela sia long ples antap long taun,+
15 Em i wok long singaut long ol man i wokabaut i go i kam,Long ol man i wokabaut stret long rot bilong ol i go, olsem:
16 “Husat man i sot long save, em i ken kam insait long hia.”
Em i tok long man i sot long gutpela tingting:+
17 “Wara ol i bin stilim i swit,Na kaikai em ol i kaikaim long pasin hait em i nais tru.”+
18 Tasol ol i no save olsem ol daiman i no gat strong i stap long hap,Na ol manmeri em i singautim, ol i stap insait tru long Matmat.*+
