Toksave Bilong Ol Man i Kam Long Kibung
SPESEL MITING
SKUL BILONG OL KINGDOM EVANJELIS Ol painia em krismas bilong ol i namel long 23 na 65 em ol i laik mekim bikpela wok moa bilong autim tok, ol i ken kam long dispela miting bilong Skul Bilong Ol Kingdom Evanjelis long Sande apinun. Bai i gat toksave long taim na ples bilong mekim dispela miting.
TOKSAVE BILONG OL MAN I KAM LONG KIBUNG
ATENDAN Ol atendan i stap bilong helpim yu. Bihainim gut tok bilong ol taim ol i tok long putim kar we, wokabaut we, makim sia na ol arapela samting.
BAPTAIS Ol manmeri i laik kisim baptais ol i mas sindaun long ol sia ol i makim bilong ol long fran bilong pletfom o long hap ol i makim. Ol lain bilong kisim baptais i mas sindaun long dispela hap long Sarere moning paslain long tok bilong baptais i kirap. Ol i mas kisim i kam taul bilong ol na klos bilong waswas i stret long pasim.
KONTRIBIUSEN Yumi lusim bikpela mani tru bilong redim ol hap bilong sindaun na saun sistem, ol vidio ekwipmen, na planti narapela samting bilong mekim kibung i ron gut na bilong helpim yumi long i go klostu moa long Jehova. Ol kontribiusen yupela i givim long laik bilong yupela yet i helpim wok bilong baim ol dispela samting, na i sapotim tu wok long olgeta hap. Mipela i makim gut ol bokis kontribiusen na sanapim long ples klia long ol hap bilong kibung. Mipela i tenkyu long ol kontribiusen bilong yupela. Gavening Bodi i laik tok tenkyu long yupela long sapotim ol wok bilong Kingdom.
FES EID Plis tingim, dispela dipatmen i bilong IMEJENSI TASOL.
SAMTING I LUS Sapos yu painim wanpela samting i lus, orait kisim i go long Dipatmen Bilong Ol Samting i Lus. Sapos wanpela samting bilong yu i lus, go long dispela dipatmen na sekim. Sapos sampela pikinini i lusim papamama na ol i lus, bringim ol i go long dispela dipatmen. Tasol plis lukautim gut ol pikinini bilong yu, na ol i mas i stap klostu wantaim yu, bambai dispela i no givim hatwok long ol narapela.
PLES SINDAUN Plis tingim gut ol narapela. Tingim, yu ken kisim tasol sia bilong ol wanfamili bilong yu, ol man i kam wantaim yu long kar, ol lain i stap wantaim yu long seim haus, o ol man em yu save stadi wantaim ol long Baibel. Plis no ken putim nating ol samting bilong yu long ol narapela sia.
WOK VOLANTIA Sapos yu laik helpim wok bilong stretim ples kibung, orait yu ken go lukim Dipatmen Bilong Infomesen na Volantia.
Gavening Bodi Bilong Ol Witnes Bilong Jehova i redim dispela kibung
