HAP 3
Paradais Bilong Bipo i Wanem Kain Ples?
Jehova i givim Adam na Iv planti gutpela samting. Stat 1:28
Jehova i wokim namba wan meri, Iv, na i givim em long Adam olsem meri bilong em.—Stat 2:21, 22.
Jehova i wokim ol, na bodi na tingting bilong ol i gutpela olgeta.
Gaden Iden em ples bilong ol—em i wanpela naispela ples tru i gat ol wara, ol diwai prut, na ol animal.
Jehova i toktok long tupela; em i skulim ol. Sapos ol i harim tok bilong em, ol inap i stap oltaim long Paradais long graun.
God i tok i gat wanpela diwai em ol i no ken kaikai prut bilong en. Stat 2:16, 17
Jehova i soim Adam na Iv wanpela diwai prut long gaden, na i tokim ol olsem sapos ol i kaikai prut bilong en, ol bai dai.
Wanpela ensel i bikhet long God. Dispela ensel nogut em Satan.
Satan i no laik bai Adam na Iv i bihainim tok bilong Jehova. Long rot bilong wanpela snek, Satan i tokim Iv olsem sapos em i kisim prut bilong dispela diwai, em bai no dai, nogat, em bai kamap olsem God. Dispela tok em giaman.—Stat 3:1-5.
Ating Yu Bai Laikim Tu
OL BIKPELA TOK BILONG BAIBEL
Bilong Wanem God i Wokim Graun?
Graun bilong yumi i pulap long ol naispela samting. Graun i no stap longwe o klostu tumas long san, em i tanim tanim long mak stret, na ron long mak stret bilong en. Bilong wanem God i lusim bikpela taim na strong bilong em long wokim graun?
