HAP 9
Paradais Bai Kamap Long Wanem Taim?
Ol hevi long graun i kamapim klia olsem klostu nau Kingdom Bilong God bai kirap mekim samting. Luk 21:10, 11; 2 Timoti 3:1-5
Planti samting i wok long kamap long nau em Baibel i tok profet long en. Baibel i tok, ol man bai laikim tumas mani, sakim tok bilong papamama, kamap wail olgeta, na laikim tumas kain kain amamas.
Bai i gat ol bikpela guria, ol woa, bikpela hangre, na planti man bai sik. Ol dispela samting i wok long kamap long nau.
Na tu, Jisas i bin tok ol man bai autim gutnius bilong Kingdom long olgeta hap bilong graun.—Matyu 24:14.
Kingdom bai rausim olgeta pasin nogut. 2 Pita 3:13
Klostu nau Jehova bai bagarapim ol man nogut.
Satan na ol spirit nogut bai kisim strafe.
Ol manmeri i harim tok bilong God bai abrusim bagarap na stap laip long nupela taim we stretpela pasin tasol i stap long en. Ol man bai i no pret moa, ol bai trastim na laikim narapela narapela.
Ating Yu Bai Laikim Tu
BUK & BUKLET
Kingdom Bilong God Em Wanem Samting?
Taim Jisas i stap long graun, em i soim ol wok em Kingdom bai mekim.
BUK & BUKLET
Yu Ting Pen na Hevi Bai Pinis?
Baibel i tok God i heitim pasin i no stret na em i tingim tru ol man. Dispela inap helpim yu olsem wanem?
